بۇل رەتتە كوروناۆيرۋستىڭ تارالۋىنا بايلانىستى جاريالانعان الەمدىك كارانتين كەزىندە ءار ەل وزىنشە شەشىم شىعارىپ جاتىر. ماسەلەن, رەسەي بيدايدى سىرتقا ساتۋعا كۆوتا ەنگىزبەكشى. ال كۇرىش نارىعىنا قىتاي شەشىمىنىڭ ىقپالى ۇلكەن. بۇل ەل كۇرىشتى كوپ تۇتىناتىندىقتان, ستراتەگيالىق ازىق-ت ۇلىك قورىن قۇرۋدى قولعا العان. ال الەمدەگى ەڭ ءىرى كۇرىش ءوندىرۋشى ءۇش ەلدىڭ ءبىرى – ۆەتنام بۇل داقىلدى سىرتقا ساتۋعا تيىم سالدى.
بۇۇ اۋىل شارۋاشىلىق ۇيىمىنىڭ «الەمدىك ازىق-ت ۇلىك نارىعىنداعى احۋال» دەگەن بايانداماسىنا سۇيەنسەك, دۇنيە جۇزىندە ازىق-ت ۇلىك قورى جەتكىلىكتى, ۇيىمنىڭ بيىلعى جيىن-تەرىمگە قاتىستى بولجامى دا جاعىمدى. 2 ءساۋىر كۇنى جاڭارتىلعان بايانداما الەمدە 277,2 ملن توننا بيداي قورى بار ەكەنىن ايتادى. بيىل 761,2 ملن توننا بيداي تۇتىنىپ, 763,3 ملن توننا وندىرىلەدى دەگەن بولجام جاسالعان.
ال كۇرىشكە كەلەر بولساق, اقمارجاننىڭ الەمدىك قورى 182,2 ملن توننانى قۇراسا, ادامزات 513 ملن توننا تۇتىنىپ, 512 ملن توننا ءوندىرۋى مۇمكىن. جالپى العاندا, الەمدىك استىق نارىعى تەڭدەستىرىلگەن.
FAO بولجامىنا سايكەس, بيىل 2 721,5 ملن توننا ءونىم ءوندىرىلىپ, تۇتىنۋ كولەمى 2 721,5 ملن توننانى قۇرايدى. ال استىق قورى – 865,7 ملن توننا.
ۇلتتىق ەكونوميكا مينيسترلىگى ستاتيستيكا كوميتەتىنىڭ دەرەكتەرى بويىنشا, ەلىمىز 2019 جىلى 144,2 مىڭ توننا كۇرىش شىعارعان. ال تۇتىنۋ كولەمى 75,8 مىڭ توننانى قۇراعان. 1 ناۋرىزداعى جاعداي بويىنشا, ەلىمىزدە جالپى كۇرىش قورى 219,6 مىڭ توننانى قۇراعان, ونىڭ ىشىندە ازىق-ت ۇلىك سورتى – 195,4 مىڭ توننا. اۋىل شارۋاشىلىعى مينيسترلىگى 2020 جىلى كۇرىش ەگىسىنىڭ كولەمى وزگەرمەيتىنىن, ول بيىل 102 مىڭ گەكتاردى قۇرايتىنىن حابارلادى.
بيدايعا كەلەر بولسا, ەلدەگى بيداي قورى 7,1 ملن توننانى قۇرايدى. سونىڭ ىشىندە ازىق-ت ۇلىك باعىتتاعى بيداي كولەمى – 5,5 ملن توننا. 2019 جىلى قازاقستان 3 ملن توننا ۇن شىعارىپ, ونىڭ 1,5 ملن تونناسى ىشكى نارىقتا ساتىلعان. 2020 جىلى قازاقستان 11,5 ملن توننادان اسا بيداي جيناۋى مۇمكىن. بۇل – اقش اۋىل شارۋاشىلىق مينيسترلىگىنىڭ بولجامى. 5,2 ملن توننا بيداي مەن ۇن سىرتقى نارىققا ساتىلۋى ىقتيمال.
استىق وداعى بيىل قازاقستان 6 ملن توننا استىق ەكسپورتتايدى دەپ بولجاپ وتىر. بۇل رەتتە سالالىق وداق قۇرامىنداعىلار ەكسپورتتاعى ساتىلىم كولەمى جىلدان-جىلعا ازايىپ كەلە جاتقانىن مويىندايدى. ونىڭ باستى سەبەبى – وتاندىق وندىرۋشىلەر جوعارى ساپالى ءونىم بەرە الماي وتىر. 2020 جىلدىڭ 1 ناۋرىزىنداعى اقپاراتقا سايكەس قازاقستاندا 9,2 ميلليون توننا استىق بار, ونىڭ ىشىندە ازىق-ت ۇلىك – 6,4 ميلليون توننا.
قازاقستاندا توتەنشە جاعداي كەزىندە بيداي ەكسپورتىنا شەكتەۋ ەنگىزىلەدى, دەپ حابارلادى اۋىل شارۋاشىلىعى مينيسترلىگىنىڭ ءباسپاسوز قىزمەتى.
- سونداي-اق, اۋىل شارۋاشىلىعى مينيسترلىگى ۇن ەكسپورتتاۋ بويىنشا تىيىمدى الىپ تاستاپ, ونىڭ ورنىنا ۇندى رەسپۋبليكادان تىس جەرگە شىعارۋعا شەكتەۋ قويادى, - دەلىنگەن حابارلامادا. وسىعان وراي, ەندى بيداي مەن ۇن ەكسپورتى مينيسترلىك بەلگىلەگەن اي سايىنعى كۆوتا شەڭبەرىندە جۇزەگە اسىرىلادى. سونداي-اق, اشم ءباسپاسوز قىزمەتى رەسپۋبليكادا قانشا استىق قورى بار ەكەنىن جاريالادى.
ۇلتتىق ەكونوميكا مينيسترلىگى ستاتيستيكا كوميتەتىنىڭ مالىمەتىنشە, 2020 جىلدىڭ 1 ناۋرىزىنداعى اقپاراتقا سايكەس قازاقستاندا 9,2 ميلليون توننا استىق بار, ونىڭ ىشىندە ازىق-ت ۇلىك – 6,4 ميلليون توننا, تۇقىمدىق – 1,5 ميلليون توننا, جەمدىك – 1,3 ميلليون توننا.
