الماتىدا IX حالىقارالىق «ەۋرازيا» كينوفەستيۆالى سالتاناتتى باستالدى. داستۇرگە اينالعان ايتۋلى شارا بيىل قالا كۇنىمەن سايكەس كەلىپ وتىر. ال وڭتۇستىك استانادا مادەني وقيعا اياسىندا الەمنىڭ ايگىلى كينەماتوگرافيستەرى مەن داڭقى دۇنيەگە ءمالىم كينو جۇلدىزدارى جينالدى.
فەستيۆال ادەتتەگىدەي قىزىل كىلەم ۇستىندە كينوجۇلدىزدارى مەن وتاندىق ونەر مايتالماندارىنىڭ شەرۋىمەن باستالدى.
الماتىدا IX حالىقارالىق «ەۋرازيا» كينوفەستيۆالى سالتاناتتى باستالدى. داستۇرگە اينالعان ايتۋلى شارا بيىل قالا كۇنىمەن سايكەس كەلىپ وتىر. ال وڭتۇستىك استانادا مادەني وقيعا اياسىندا الەمنىڭ ايگىلى كينەماتوگرافيستەرى مەن داڭقى دۇنيەگە ءمالىم كينو جۇلدىزدارى جينالدى.
فەستيۆال ادەتتەگىدەي قىزىل كىلەم ۇستىندە كينوجۇلدىزدارى مەن وتاندىق ونەر مايتالماندارىنىڭ شەرۋىمەن باستالدى.
ءبىز بۇعان دەيىن دە قازىلار القاسىنا جاڭازەلانديالىق جازۋشى جانە كانن كينوفەستيۆالىندە «التىن پالما بۇتاعى» جۇلدەسىن جەڭىپ العان («پيانينو») تۇڭعىش ايەل كينورەجيسسەر, سونداي-اق, «وسكار» سىيلىعى, ۆەنەتسيا كينوفەستيۆالىنىڭ «كۇمىس ارىستان» جۇلدەسىنىڭ يەگەرى دجەين كەمپيون تورايىمدىق ەتەتىندىگىنەن حاباردار ەتكەنبىز. ايتۋلى جۇلدىزدار لەگى تۋرالى اقپاراتتار اقيقاتقا اينالىپ, اشىلۋ سالتاناتىندا «مويا پرەكراسنايا نيانيا» سەريالى بويىنشا كونستانتين رولىمەن ءابدەن تانىمال بوريس سمولكيندى, تانىمال اكتەرلەر الەنا ياكوۆلەۆا مەن اندرەي گايدۋليانداردى كوردىك.
جىلىنا ءبىر رەت ورالاتىن بۇل وقيعا وتاندىق كينومايتالماندارىنسىز وتپەيدى. قالىپتاسىپ قالعان ءداستۇر بويىنشا قىزىل كىلەمگە ءاسانالى ءاشىموۆتىڭ وتباسى شىعىپ, بۇل شەرۋدى جاس ونەر جۇلدىزدارى ۇزارتادى. رەسپۋبليكا سارايى الدىنداعى شەرۋدە ازيز بەيشەناليەۆ («ليكۆيداتور»), ەمير بايعازين, ازيز جامباكيەۆ, رەنات عايسين, بەرىك ايتجانوۆ, سەرگەي پوگوسيان, اسىلحان تولەپوۆ, قارلىعاش مۇحامەدجانوۆا, اسەل ساعاتوۆا, قۇرالاي اناربەكوۆا, ايسۇلۋ ءازىمباەۆالار كەزەگىمەن ءوز كورەرمەندەرىمەن ديدارلاستى.
كينوسۇيەر قاۋىم تاعاتسىزدانا كۇتكەن تالانتتىڭ ءبىرى – ايگىلى فرانتسۋز كومپوزيتورى, شانسونە, اكتەر جانە قوعام قايراتكەرى شارل ازناۆۋر بولاتىن.
فرانتسۋز شانسونى تاياۋ كۇندەرى عانا ەما-2013 مۋزىكالىق ماراپاتتاۋ راسىمىنە قاتىسىپ, «الەمدىك مۋزىكا ونەرىنە قوسقان ۇلەسى ءۇشىن» نوميناتسياسى بويىنشا ەڭ سالماقتى جۇلدەنى جەڭىپ العان-دى. سوندىقتان كوڭىلى توق, قادىرلى قوناعىمىز اعىنان جارىلىپ, ءباسپاسوز ءماسليحاتىندا جۋرناليستەردىڭ بارلىق سۇراعىنا ەمەن-جارقىن جاۋاپ بەرۋگە ۋاقىت تاپتى.
– قانداي دا ءبىر ماراپاتقا يە بولۋ جانىما جاعاتىنىن جاسىرمايمىن. ويتكەنى, اتاق تا جۇلدە دە مەنى كەش ىزدەپ تاپتى. جانە مەن ءوزىمدى ەشقاشان كەرەمەت جۇلدىز دەپ ەسەپتەگەن ەمەسپىن, بار بولعانى شىعارماشىلىقتىڭ ۇستاسى بولىپ كەلدىم, – دەيدى مىڭداعان ءاننىڭ اۆتورى.
تاعدىرى مەن تالانتى ونى بۇكىل عۇمىرىندا فرانسۋا تريۋففو, كلود شابرول, جانا كوكتو, ەديت پياف, فرەنكا سيناترۋ لۋچانو پاۆاروتتي, پلاسيدو دومينگو جانە سەلين ديونمەن توقايلاستىرىپ, ونىڭ اندەرىن رەي چارلز, بوب ديلان مەن لايزا مينەللي سىندى الەمدىك دەڭگەيدەگى دارىندار ورىندايتىنىن, وعان جانە دۇنيەنىڭ بارلىق بۇرىشىندا شىعارمالارى كۇن سايىن مىڭ رەت شىرقالىپ جاتاتىندىعىن قوسىپ قويساق, مۇنداي سيرەك تالانت يەسىن «ەۋرازيا» كينوفەستيۆالى ەندى قاشان كورەرى نەعايبىل.
جەر شارىنىڭ ءتورت بۇرىشىن تۇگەل ارالاعان اتى ءماشھۇر قوناق قازاقستانعا ءبىرىنشى رەت كەلىپ وتىر. العاش رەت قازاق جەرىنە قادام باسقان اتاقتى جان وسى جەردەن دە ءوزىنىڭ ەسكى دە جاڭا دوستارىن كەزىكتىرىپ, قازاقتىڭ قوناقجايلىلىعىنان قۋاتىنا قۋات قوسىلعانىن ايتادى. ونسىز دا جانى جايساڭ فرانتسۋز مۇنداي ىقىلاستان جانسارايى بايىپ قالعانىن جەتكىزىپ, «ەۋرازيا» كينوفەستيۆالىنىڭ ۇيىمداستىرىلۋىنا وتە جاقسى باعا بەرگەنىن قاپەرگە الۋعا بولادى.
قىزىل كىلەم شەرۋىنە ازناۆۋر مىرزا ۇلى نيكولاسپەن شىقتى. اماندىق بولسا, ءبىر جىلدان سوڭ 90 دەيتىن جاستى مويىنداتاتىن اكتەر ءالى دە تارتىمدىلىعىن ءبىر ءتۇيىر دە جوعالتپاعان.
ش.ايمانوۆ اتىنداعى «قازاقفيلم» اق پرەزيدەنتى ەرمەك امانشاەۆ «ەۋرازيا» كينوفەستيۆالى بۇگىندە الەم كينەماتوگرافيستەرىنىڭ كاسىبي الاڭىنا اينالىپ كەلە جاتقاندىعىن اتاپ جانە وسىعان ۇلەس قوسىپ جاتقان جاندارعا, قازاقستاندىق كينويندۋستريانىڭ د
