جيىن بارىسىندا ول قالاداعى كوروناۆيرۋستىق احۋالعا توقتالىپ ءوتتى.
«قالادا كوروناۆيرۋس ينفەكتسياسىنىڭ 599 جاعدايى تىركەلدى. 332 ناۋقاس ستاتسيونارلاردا جاتىر. 214 ادام ەمدەلىپ شىقتى. ۇيدەگى كارانتيندە 2576 ادام بار. وكىنىشكە قاراي, ىندەتتەن ءۇش ادام قايتىس بولدى. 9 ساۋىردەن باستاپ جاپپاي ەكسپرەسس-تەستىلەۋ جۇرگىزىلە باستالدى, ونى 15 528 ادام تاپسىردى. قازىرگى ۋاقىتتا 10 ناۋقاستىڭ جاعدايى تۇراقتى اۋىر حالدە, ونىڭ ىشىندە 5 ناۋقاس جاساندى تىنىس الۋ اپپاراتىنا قوسىلعان. قازىرگى ۋاقىتتا جالپى 29 680 لابوراتوريالىق زەرتتەۋلەر جۇرگىزىلدى. 9 ساۋىردەن بەرى 15 528 ادام ەكسپرەسس تەستىلەۋدەن ءوتتى», دەدى ب.ماكەن.
سونىمەن قاتار ول اۋلادا سەرۋەندەۋ كەزىندە ۇستاناتىن نەگىزگى ەرەجەنى ءتۇسىندىردى. بۇدان بۇرىن حابارلانعانداي, ەلوردا تۇرعىندارىنا 27 ساۋىردەن باستاپ اۋلاعا شىعۋعا رۇقسات ەتىلدى. كوشەدە 3 ادامنان ارتىق توپتاسىپ جينالۋعا تىيىم سالىنادى.
«بۇل جەردە وتباسى مۇشەلەرى سانالمايدى. اتا-اناسىنىڭ بىرەۋى نەمەسە 18 جاستان اسقان جاقىنى قاسىندا بولماسا كامەلەتكە تولماعان بالالار اۋلاعا شىعا المايدى. سەرۋەنگە شىققان تۇرعىنداردا مەديتسينالىق ماسكا مەن قولعاپ بولۋى ءتيىس, سونداي-اق جەكە كۋالىگى بولۋى كەرەك. سونىمەن قاتار قالا تۇرعىندارىنا تۇرعىن ءۇي ماڭىنداعى اۋلادا ساعات 06:00-دەن 20:00-گە دەيىنگى ارالىقتا سەرۋەندەۋگە رۇقسات ەتىلەدى. بۇل تۇرعىدا مىندەتتى سانيتارلىق نورمالاردى ۇستانۋ كەرەك. وسى ورايدا ەگدە جاستاعى ادامدارعا (65 جاستان اسقان) ءارى سوزىلمالى اۋرۋى بارلارعا اسا قاجەت بولماسا, كوشەگە شىقپاعاندارى ابزال. ايتا كەتەتىن تاعى ءبىر جايت, كوروناۆيرۋس ينفەكتسياسىن جۇقتىرۋ قاۋپى سەيىلمەگەندىكتەن, ادامدار كوپ جينالاتىن ورىندار, ياعني ساۋدا جانە ويىن-ساۋىق ورتالىقتارى, كلۋبتار, مەيرامحانالار مەن ءدامحانالار (تەك ونلاين تاپسىرىس) جابىق بولادى. سونىمەن قاتار, قوعامدىق كولىك جۇمىسى كارانتين اياقتالعانشا قايتا ىسكە قوسىلمايدى», دەدى ب.ماكەن.
بايانداما بارىسىندا ول مەملەكەت باسشىسىنىڭ تاپسىرماسى بويىنشا توتەنشە جاعداي كەزەڭىندە تابىسىن جوعالتقان ازاماتتارعا الەۋمەتتىك كومەك بەرۋ جۇمىستارى جالعاسىپ جاتقانىن اتاپ ءوتتى.
«28 ساۋىردەگى جاعداي بويىنشا 42,500 تەڭگە الەۋمەتتىك كومەكتى 275 مىڭ تۇرعىن الدى. جالپى, اتالعان تولەمگە 594,7 مىڭ ادام ءوتىنىم بەردى. 301 مىڭ ادامنىڭ ءوتىنىمى ماقۇلدانبادى. سونىمەن قاتار ء«بىز بىرگەمىز» اكتسياسىنىڭ ەكىنشى كەزەڭى اياسىندا تولەمدەر جۇرگىزىلىپ جاتىر, ونىڭ اياسىندا 28 073 ادام قامتىلدى. ايتا كەتەيىك, ء«بىز بىرگەمىز» اكتسياسىنىڭ العاشقى كەزەڭىندە, ياعني 19 ناۋرىزدان 23 ساۋىرگە دەيىن ەلوردانىڭ 14 478 تۇرعىنى 50 مىڭ تەڭگە كولەمىندە قارجىلاي كومەك الدى», دەدى نۇر-سۇلتان قالاسى اكىمىنىڭ ورىنبا-
سارى.
