- 2020 جىلدىڭ 1-ءشى توقسانىنىڭ قورىتىندىسى بويىنشا بارلىق قارجىلاندىرۋ كوزدەرىنەن 349 مىڭ شارشى مەتر (وتكەن جىلعى وسىنداي كەزەڭمەن سالىستىرعاندا 94,7%, 2019 جىلى 369 مىڭ ش.م.) تۇرعىن ءۇي قولدانىسقا بەرىلگەن. سالىنىپ جاتقان تۇرعىن ۇيلەردىڭ نەگىزگى بولىگىن اعىمداعى جىلدىڭ 2-ءشى جارتىجىلدىعىندا پايدالانۋعا بەرۋ جوسپارلانعان. جىل سوڭىندا 1 ملن 200 مىڭ ش.م. تۇرعىن ءۇي پايدالانۋعا بەرىلەدى دەپ كۇتىلۋدە, دەدى نۇرلىباي اققۇلوۆ.
ونىڭ ىشىندە جەكە تۇرعىن ءۇي – 238,332 مىڭ شارشى مەتردى قۇراسا, كوپقاباتتى تۇرعىن ءۇي – 111,103 مىڭ شارشى مەتردى قۇراماق. تۇرعىن ءۇي قۇرىلىسىنا ينۆەستيتسيالار كولەمى 22,4 ملرد تەڭگەنى قۇرادى جانە وتكەن جىلعى كورسەتكىشپەن سالىستىرعاندا 101,2% قۇراعان.
سونىمەن قاتار, قۇرىلىس جۇمىستارىنىڭ كولەمى 28,9 ملرد تەڭگەنى قۇراپ, ناقتى كولەم يندەكسى 101% بولدى.
باعدارلامانىڭ ورىندالۋىنا 2020 جىلى رەسپۋبليكالىق بيۋدجەتتەن 10,1 ملرد تەڭگە ءبولىندى. اعىمداعى جىلدىڭ 1-ءشى توقسانىنىڭ قورىتىندىسى بويىنشا جوسپارلانعان 679,6 ملن تەڭگە تولىقتاي يگەرىلگەن.
وبلىس اكىمى ورىنباسارىنىڭ ايتۋىنشا, جالپى بۇل باعدارلاما بويىنشا ىسكە اسىرىلىپ جاتىرعان جوبالاردا 925 ۋاقىتشا جانە 50 تۇراقتى جۇمىس ورىندارى اشىلادى دەپ كۇتىلەدى.
