دەنساۋلىق ساقتاۋ مينيسترلىگىندە مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى اجار تولەعاليەۆانىڭ قاتىسۋىمەن ءباسپاسوز جيىنى ءوتتى.
15 قىركۇيەك پەن 15 قاراشا ارالىعىندا بارلىق وڭىرلەردە تۇرعىنداردى ەمحانالارعا تىركەۋ جۇمىسى جۇرگىزىلمەك.
دەنساۋلىق ساقتاۋ مينيسترلىگىندە مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى اجار تولەعاليەۆانىڭ قاتىسۋىمەن ءباسپاسوز جيىنى ءوتتى.
15 قىركۇيەك پەن 15 قاراشا ارالىعىندا بارلىق وڭىرلەردە تۇرعىنداردى ەمحانالارعا تىركەۋ جۇمىسى جۇرگىزىلمەك.ناۋقان اياسىندا جەرگىلىكتى جۇرت وزدەرى ەمدەلىپ جۇرگەنىمەن, كوڭىلى تولمايتىن ەمحانالارىن باسقاسىنا الماستىرۋعا قۇقىلى. سونداي-اق, ولار ءوز ەمحانالارىنىڭ قىزمەتىن ۇناتاتىن بولسا, بۇل شاراعا قاتىسپاي-اق قويۋىنا بولادى. مۇنداي جاعدايدا مەديتسينالىق ۇيىم ونداي ازاماتتاردى اۆتوماتتى تۇردە كەلەسى جىلعا تىركەيدى. بۇل تۋرالى جيىندا مەديتسينالىق كومەكتى ۇيىمداستىرۋ دەپارتامەنتىنىڭ ديرەكتورى ءمالىم ەتتى. ونىڭ ايتۋىنشا, قانداي دا ءبىر مەكەمە تۇرعىنداردى وزدەرىنە تىركەۋگە الۋدان باس تارتسا, زاڭسىز بولىپ تابىلادى. سەبەبى, 2010 جىلدان باستاپ رەسپۋبليكانىڭ ءاربىر ازاماتىنا مەديتسينالىق ۇيىمدى ەركىن تاڭداۋ قۇقىعى بەرىلگەن. دەنساۋلىق ساقتاۋ مەكەمەلەرى تۇرعىلىقتى مەكەنجاي تۋرالى تىركەۋ قاعازىن سۇراتاتىن بولسا, ول دا زاڭسىز. بۇگىندە ءتىركەۋ قاعازى بولماسا دا ءار ازامات مەديتسينالىق كومەك الۋعا قۇقىلى.
جيىندا دەپارتامەنت ديرەكتورى كەلەسى جىلدان باستاپ ءاربىر قازاقستاندىققا تەگىن مەديتسينالىق كومەك كورسەتۋگە رەسپۋبليكالىق بيۋدجەتتەن ايىنا 800 تەڭگەدەن بولىنەتىنىن, ودان بولەك ازاماتتار اۋىرماسا دا, جىل سايىن رەسپۋبليكانىڭ ءاربىر تۇرعىنىنا 50 دياگنوستيكالىق ەم-دوم قاراستىرىلعانىن باياندادى. «ورتاشا العاندا بىزدە حالىقتىڭ 30-40 پايىزى سىرقاتتى بولادى جانە ولارعا اتالعان 50 قىزمەتتەن ارتىق كومەك قاجەتتىلىك ەتەدى. ەگەر دە ساۋ ادام وسى قىزمەتتى قاجەت ەتپەسە, وندا بۇل قارجى امبۋلاتورلىق دەڭگەيدە وزگە سىرقاتتارعا جۇمسالادى», دەدى ول.
دەنساۋلىق ساقتاۋ مينيسترلىگىنىڭ مالىمەتىنە قاراعاندا, بيىل ءار قازاقستاندىققا بيۋدجەتتەن اي سايىن 500 تەڭگە بولىنگەن.
«ەگەمەن-اقپارات».
