اۋدان ورتالىعىنان 240 شاقىرىم قاشىقتىقتا ورنالاسقان اۋىلدىڭ تىنىس-تىرشىلىگى بۇگىندە تۇزەلىپ كەلەدى. جامبىل وبلىسىنىڭ اكىمى بەردىبەك ساپارباەۆتىڭ تاپسىرماسىمەن بيۋدجەتتىڭ كوپ قاراجاتىن جۇمساماي, وڭتايلى, ىقشامدالعان شىعىنمەن اۋىل جولدارىن جاڭارتۋ, ەلدىمەكەندەرگە اۋىز سۋ تارتۋ ماسەلەسى سارىسۋ اۋدانىنىڭ ورتالىعىنان شالعايدا جاتقان تومەنگى شۋ بويىندا جۇيەلى ىسكە اسۋدا.
وسى ۋاقىتقا دەيىن وبلىستىق ماڭىزى بار «جايلاۋكول-قامقالى» اراسىنداعى جولدىڭ ناشارلىعى تالاي رەت ماسەلە رەتىندە كوتەرىلگەن. بۇگىندە اتالعان باعىتتاعى 31 شاقىرىم اۆتوكولىك جولىنا كۇردەلى جوندەۋ جۇمىستارى باستالدى. اتالعان جول سەكسەنىنشى جىلداردىڭ سوڭىندا جوندەۋ كورگەن ەكەن. الايدا, وسى كۇنگە دەيىن ىسكەر ءارى جاناشىر ازاماتتاردىڭ قامقورلىعىمەن تەگىستەلىپ, رەتكە كەلتىرىلىپ وتىرعان. بىراق تۇرعىندار بۇل جولدىڭ دا ىلعي تەسىلىپ جاتاتىنىن ايتاتىن. بۇگىندە بۇل جولدى جوندەۋ جۇمىستارى قولعا الىنىپ, جوندەۋ جۇمىستارىنا «تاراز-كولىك-جولى» جشس جۇمىلدىرىلعان. جالپى, ورتا جوندەۋ جۇمىستارىنا 550 ميلليون تەڭگەدەن استام تەڭگە بولىنگەن. سونىمەن قاتار, جاقىن كۇندەرى «سارىسۋ سۋلارى» كاسىپورنى «يتەكە» سۋ توعانىنان جايلاۋكول اۋىلىنا دەيىنگى 11 شاقىرىم اۋىز سۋ قۇبىرىن اۋىستىرىپ, اۋىلعا تازا اۋىز سۋ كەلەدى. بۇل جۇمىستار 22 ميلليون تەڭگەگە ىسكە اساتىن بولادى.
سارىسۋ اۋدانىنىڭ تومەنگى شۋ بويىندا ورنالاسقان جايلاۋكول اۋىلىنىڭ تۇرعىندارى بۇل باستاماعا ريزالىق بىلدىرۋدە. جاكەنتاي جامبىلوۆ, ءماجيت ءامىروۆ سياقتى اۋىل قاريالارى وبلىس باسشىلىعىنا ريزاشىلىعىن جەتكىزۋدە.
جامبىل وبلىسى
