ء«سىزدى ەلىمىزگە سىڭىرگەن ەڭبەگىڭىزبەن قۇتتىقتايمىز جانە قازاقستان ۇكىمەتىنىڭ شەشىمى بويىنشا تاپانشا تابىس ەتەمىز. ءسىزدىڭ اتىڭىز رەسپۋبليكامىزدىڭ تاريحىنا لايىقتى جازىلدى» دەدى ە.تۇرعىمباەۆ.
تالعات مۇساباەۆقا مەملەكەت الدىندا سىڭىرگەن ەڭبەگى ءۇشىن ۇكىمەتتىڭ قاۋلىسى بويىنشا ءيىر ويىقتى اتىس قارۋى تابىس ەتىلدى.
ءدال بۇگىن, 28 ساۋىردە تالعات مۇساباەۆ وسىدان 19 جىل بۇرىن «سويۋز تم-32» عارىش كەمەسىنىڭ كومانديرى رەتىندە ءۇشىنشى مارتە عارىشقا ۇشىپ, العاشقى عارىش ءتۋريسىن وربيتاعا الىپ شىققان بولاتىن. عارىشقا ۇشقان وسى ساپار عارىش ءتۋريزمىنىڭ ءداۋىرىن اشتى. تالعات مۇساباەۆتىڭ ەكيپاجى «سويۋز تم-31» كەمەسىمەن جەرگە ورالدى. بۇل 21 عاسىرداعى جانە ءۇشىنشى مىڭجىلدىقتاعى جەر عالامشارىنان عارىشقا العاشقى ۇشۋ بولاتىن. سونداي-اق بيىل ت.مۇساباەۆتىڭ عارىشقا العاش ۇشقانىنا 25 جىل تولدى.
تالعات مۇساباەۆ – ەگەمەن قازاقستان رەسپۋبليكاسىنىڭ تۇڭعىش عارىشكەرى, اشىق عارىشقا شىققان العاشقى قازاق. قازاقستان رەسپۋبليكاسىنىڭ تۋى مەن ەلتاڭباسى 1994 جىلى تاريحتا العاش رەت عارىشقا كوتەرىلدى. 2017 جىلعى 13 شىلدەدە مەملەكەت باسشىسىنىڭ جارلىعىمەن قازاقستان رەسپۋبليكاسى پارلامەنتى سەناتىنىڭ دەپۋتاتى بولىپ تاعايىندالدى.
