وسىعان بايلانىستى قىزىلوردا وبلىسىندا كەزەڭ-كەزەڭىمەن جۇمىسقا كىرىسەتىن مەكەمەلەر مەن ونداعى جۇمىسشىلاردىڭ سانى ناقتىلانۋدا. بۇل تۋرالى بۇگىنگى بريفينگتە وبلىستىق ەكونوميكا جانە بيۋدجەتتى جوسپارلاۋ باسقارماسىنىڭ باسشىسى نۇرعالي قورداباي حابارلادى.
باسقارما باسشىسىنىڭ ايتۋىنشا اۋەلى 13 573 جۇمىسشىسى بار 2 384 مەكەمە ىسكە قوسىلىپ, ەكىنشى كەزەڭدە 12895 جۇمىسشىسى بار 2 935 مەكەمە جۇمىسىن باستايدى.
-كوكتەمگى-دالا جۇمىستارى ناۋرىز ايىنىڭ ەكىنشى ونكۇندىگىندە باستالىپ كەتتى. قازىرگى ۋاقىتتا 8,5 مىڭ گەكتار كۇرىش, 28,8 مىڭ گەكتار جوڭىشقا, بيداي, ارپا جانە ماقسارى ەگىلدى. كوكتەمگى دالا جۇمىستارىن جۇرگىزۋگە 14 مىڭ توننا ارزانداتىلعان جانار-جاعار ماي ءبولىندى. 3,5 مىڭنان استام اۋىل شارۋاشىلىعى تەحنيكاسى جۇمىلدىرىلدى, – دەدى باسقارما باسشىسى.
سونداي-اق وبلىستىڭ ونەركاسىپ سالاسىنداعى 12 مۇناي ءوندىرۋشى جانە 4 ۋران ءوندىرۋشى كومپانيا قىزمەتىن توقتاتقان جوق. قىزمەتكەرلەردىڭ كەلىسىمىمەن ۆاحتالىق مەرزىم ۋاقىتى 14 كۇننەن 28 كۇنگە دەيىن ۇزارتىلدى.
