«مەملەكەت باسشىسى ءوز سوزىندە ەلىمىزدى پاندەميانىڭ شەڭگەلىنەن قۇتقارۋ – بارىمىزگە ورتاق مىندەت ەكەنىن اتاپ ءوتتى. بۇل رەتتە, توتەنشە جاعداي رەجىمىن قامتاماسىز ەتۋ جونىندەگى مەملەكەتتىك كوميسسيا ۆيرۋستىڭ تارالۋىن قاتاڭ باقىلاۋدا ۇستاپ وتىرعان قالالاردا كارانتين تالاپتارىن جەڭىلدەتىپ, جۇمىسىن قايتا باستايتىن بىرقاتار ۇيىمداردىڭ ءتىزىمىن جاريالادى» دەدى ب.ماكەن.
ول الدىمەن قالاداعى كوروناۆيرۋستىق احۋال جونىندە قىسقاشا ايتىپ ءوتتى.
قالادا كوروناۆيرۋس ينفەكتسياسىنىڭ 599 جاعدايى تىركەلدى. 332 ناۋقاس ستاتسيونارلاردا جاتىر. 214 ادام ەمدەلىپ شىقتى. ۇيدەگى كارانتيندە 2576 ادام بار. وكىنىشكە قاراي, ىندەتتەن ءۇش ادام قايتىس بولدى. 9 ساۋىردەن باستاپ جاپپاي ەكسپرەسس-تەستىلەۋ جۇرگىزىلە باستالدى, ونى 15 528 ادام تاپسىردى. قازىر ۋاقىتتا 10 ناۋقاستىڭ جاعدايى تۇراقتى اۋىر حالدە, ونىڭ ىشىندە 5 ناۋقاس جاساندى تىنىس الۋ اپپاراتىنا قوسىلعان. قازىرگى ۋاقىتتا جالپى 29 680 لابوراتوريالىق زەرتتەۋلەر جۇرگىزىلدى. 9 ساۋىردەن بەرى 15 528 ادام ەكسپرەسس تەستىلەۋدەن ءوتتى» دەدى ول.
