جاتتىعۋدىڭ العاشقى كۇنىندە ارنايى وقۋ-جيىندارىنا كەلگەن جەكە قۇرام اسكەري بولىمدەر تىزىمىنە ەنگىزىلىپ, اسكەري ماماندىقتارىنا سايكەس لاۋازىمدارعا تاعايىندالدى. اسكەري قىزمەتكەرلەر رادياتسيالىق, حيميالىق جانە بيولوگيالىق قورعانىس ۆزۆودىنا, كۇزەت ۆزۆودىنا جانە گوسپيتال-مەديتسينالىق بولىمشەگە ءبولىندى. قارۋلى كۇشتەردىڭ تاجىريبەلى وفيتسەرلەرىنىڭ اراسىنان تاعايىندالعان لاۋازىمدىق تۇلعالار جەكە قۇرامعا قاۋىپسىزدىك جونىندەگى ساباقتارىن ۇيىمداستىردى جانە اسكەري قىزمەتشىلەرگى م ۇلىكتەرىن بەرىپ, ولاردى قولدانۋعا ۇيرەتىپ, جەكە مىندەتتەرىمەن تانىستىردى.
اتىراۋ وبلىسىندا كارانتين رەجيمىنىڭ العاشقى كۇنىنەن باستاپ ينفەكتسيانىڭ تارالۋىنا قارسى كۇرەسكە «باتىس» وڭىرلىك قولباسشىلىعىنىڭ 200-گە جۋىق اسكەري قىزمەتكەرى تارتىلدى. قازىر ولاردىڭ قاتارىنا اسكەري مىندەتتىلەر قوسىلىپ, ايماقتاعى كوروناۆيرۋستىڭ تارالۋىنا بىرلەسە قارسى تۇرۋعا كومەكتۋدە.
الايدا, قۇرىلعان ءۇش بولىمشەنىڭ ءاربىرىنىڭ تاپسىرماسى بولەك. مىسالى, شاقىرىلعان دارىگەرلەر مەن فەلدشەرلەر اۋرۋحانا-مەديتسينالىق بولىمشەسىن قۇراپ, قالاداعى 4 بلوكپوستتىڭ سانيتارلىق بەكەتتەرىنە جىبەرىلدى. پوليتسيا وكىلدەرىمەن بىرگە ولار جولاۋشىلار مەن جۇرگىزۋشىلەردىڭ جەكە دەرەكتەرىن تولتىرادى جەنە دەنە تەمپەراتۋراسىن ولشەيدى.
رحب ۆزۆودىندا دا اتقارىلاتىن تاپسىرمالار كوپ. كۇن سايىن ولار قالانى دەزينفەكتسيالاۋ ءۇشىن ماڭىزدى تاپسىرما الادى. تاڭەرتەڭنەن باستاپ ولار قورعانىس شاپاندارىن كيىپ, بۇرىككىش ريۋكزاكتارمەن جانە ىستىق تۇمان گەنەراتورلارىمەن قارۋلانىپ, تۇرعىن ۇيلەردىڭ, اۋلالار مەن بالالار الانىڭ زالالسىزداندىرۋعا شىعادى. سونىمەن قاتار, ۇلكەن اشىق الاڭداردى زالالسىزداندىرۋ ءۇشىن, اسكەريلەر گاز-52-04 ءاۆتوموبيلىنىڭ شاسسيىندە دۋك (كوماروۆ دەزينفەكتسيالاۋ قۇرىلعىسى) قۇرىلعىسىن قولدانادى.
-ءبىز اۋلالاردى زالالسىزداندىرۋعا كىرگەن كەزدە تۇرعىندارى ۇدايى ءبىزدى قۋانىشپەن قارسى الادى. ولار ءوز ۇيلەرىن ساپالى دەزينفەكتسيالاۋدى سۇرايدى. الايدا ءبىز ءار ۇيدە ءوز جۇمىسىمىزدى ساپالى ورىنداۋعا تىرىسامىز, سەبەبى وسىندا جۇرگەننىڭ بارلىعىمىز اتىراۋ ءوڭىرىنىڭ تۇرعىندارىمىز. ءبىزدىڭ جەرلەستەرىمىزدىڭ ءاربىر راقىمى ءبىزدى ىنتالاندىرادى, ءار العىسى جىگەر بەرەدى, دەيدى دەزينفەكتسيادا جۇرگەن سارباز ەرجان ءدىلمانوۆ.
كەش باستالىسىمەن اتقىشتار ۆزۆودى ءوز مىندەتتەرىن ورىنداۋعا كىرىسەدى. كۇن سايىن 18.30-دا ولار قالانى پاترۋلدەۋ الدىندا پراكتيكالىق نۇسقاۋ الۋ ءۇشىن اتىراۋ قالاسىنىڭ پوليتسيا بولىمىنە بارادى. ول جەردە ولار جۇپقا ءبولىنىپ, ءبىر پوليتسيا قىزمەتكەرىنە تاپسىرىلادى. پاترۋلدەۋ ۋاقىتى كۇندە ساعات 19.00-دەن 03.00-گە دەيىن. تاجىريبەلى جانە جاۋاپتى ۆزۆود سەرجانتى باۋىرجان چۋنگۋلوۆ ولاردى قىزمەت ورىندارى بويىنشا ىرىكتەپ-بولەدى, كەيىن قوسىمشا پاترۋلدەۋ كەزىندەگى ارەكەتتەردىڭ الگوريتمىن تۇسىندىرەدى. باۋىرجاننىڭ ءوزى دە, بۇرىنعى كەلىسىمشارت بويىنشا اسكەري قىزمەتشىسى. ول ۇلتتىق ۇلان قاتارىندا دا, قورعانىس مينيسترلىگىنىڭ بولىمدەرىندە دە قىزمەت ەتكەن, سوندىقتان نۇسقاۋلىق پەن ءواتاڭ ءتارتىپ تۋرالى كوپ بىلەدى.
ارنايى جيىننىڭ ۇزاقتىعى اعىمداعى جىلدىڭ 10 مامىرىنا دەيىن جوسپارلانعان, بىراق وبلىس اكىمىنىڭ شەشىمىمەن 3 ايعا دەيىن ۇزارتىلۋى مۇمكىن. بۇل ماسەلە ءبىزدىڭ اسكەري قىزمەتشىلەردى ەشبىر الاڭدامايدى, ويتكەنى ولار مۇندا ءوز ەرىكتەرىمەن كەلدى جانە كەز-كەلگەن تاپسىرمانى ورىنداۋعا دايىن.
ماڭعىستاۋ وبلىسى
