الاش ارىسى احمەت بايتۇرسىنوۆ ءباسپاسوز تۋرالى «اۋەلى, گازەت – حالىقتىڭ كوزى, قۇلاعى ءھام ءتىلى... گازەت – حالىقتىڭ داۋىسى. «جۇرتىم» دەپ حالىقتىڭ ارىن ارلاپ, زارىن زارلاپ, نامىسىن جوقتايتىن ازاماتتارى گازەت ارقىلى حالىقتىڭ ءسوزىن سويلەپ, پايداسىن قورعاپ, زارارىنا قارسى تۇرىپ, قارعاعا كوزىن شوقىتپاسقا تىرىسادى» دەپ پايىمداعان ەكەن.
بۇگىندە گازەت-جۋرنالدار كوپ بولعانمەن, ولاردىڭ اراسىندا كوپشىلىككە ەتەنە جاقىن تانىلىپ قالعان باسىلىمدار دا بارشىلىق. سولاردىڭ ءبىرى, جارىققا شىققانىنا 3-اق جىل بولسا دا ءوز وقىرمانىن تابا بىلگەن «حالىق ءسوزى» گازەتى. «حالىق ءسوزى» رەسپۋبليكالىق قوعامدىق-ساياسي گازەتىنىڭ باس رەداكتورى قۋات اۋەسبايدى اڭگىمەگە تارتقان ەدىك.
الاش ارىسى احمەت بايتۇرسىنوۆ ءباسپاسوز تۋرالى «اۋەلى, گازەت – حالىقتىڭ كوزى, قۇلاعى ءھام ءتىلى... گازەت – حالىقتىڭ داۋىسى. «جۇرتىم» دەپ حالىقتىڭ ارىن ارلاپ, زارىن زارلاپ, نامىسىن جوقتايتىن ازاماتتارى گازەت ارقىلى حالىقتىڭ ءسوزىن سويلەپ, پايداسىن قورعاپ, زارارىنا قارسى تۇرىپ, قارعاعا كوزىن شوقىتپاسقا تىرىسادى» دەپ پايىمداعان ەكەن.
بۇگىندە گازەت-جۋرنالدار كوپ بولعانمەن, ولاردىڭ اراسىندا كوپشىلىككە ەتەنە جاقىن تانىلىپ قالعان باسىلىمدار دا بارشىلىق. سولاردىڭ ءبىرى, جارىققا شىققانىنا 3-اق جىل بولسا دا ءوز وقىرمانىن تابا بىلگەن «حالىق ءسوزى» گازەتى. «حالىق ءسوزى» رەسپۋبليكالىق قوعامدىق-ساياسي گازەتىنىڭ باس رەداكتورى قۋات اۋەسبايدى اڭگىمەگە تارتقان ەدىك.
– قۋات, ءوزىڭ جەتەكشىلىك ەتەتىن رەسپۋبليكالىق «حالىق ءسوزى» گازەتىنە بيىل 3 جىل تولىپ وتىر. وسى ۋاقىت ىشىندە باسىلىم بەتىندە جاريالانعان ماتەريالداردى توپتاستىرىپ كىتاپ شىعارعان ەكەنسىڭدەر. ءاڭگىمەمىزدى وسىدان باستاساق.
– ءۇش جىلدا «حالىق ءسوزى» گازەتىنىڭ 300-گە جۋىق سانى جارىق كورىپ ۇلگەردى. بولدىق-تولدىق دەۋدەن اۋلاقپىز, تەك الدى-ارتىمىزعا كوز تاستاپ, وتكەن-كەتكەندى وي ەلەگىنەن وتكىزىپ, ساراپتاپ-سارالاپ, وقىرماندارىمىزعا ەسەپ بەرىپ قويۋدى عانا ماقسات ەتىپ وتىرمىز. جيناق شىعارۋ يدەياسى وقىرماندارىمىزدىڭ ءوز ىشىنەن شىققانىن ايتا كەتۋ كەرەك. كىتاپقا سوڭعى 3 جىلدا جاريالانعان ماقالالار مەن سۇحباتتاردىڭ ەڭ نەگىزگىلەرى سۇرىپتالىپ ەنگىزىلدى. بۇگىنگى جاڭالىقتىڭ جارشىسى, ياعني جۋرناليستەردىڭ ەرتەڭگى تاريحتى دا تاسقا باسىپ جۇرگەنىن ەسكەرسەك, بۇل جيناقتىڭ وسى تۇرعىدان العاندا دا قۇندىلىعى باسىم دەۋگە بولاتىن شىعار. گازەتتىڭ ءوزى ءبىر كۇندىك بولعانمەن, ءسوزى مىڭجىلدىق ەكەنى راس. مىسالعا الاش قايراتكەرلەرى شىعارعان «قازاق» گازەتىندە قاۋزالعان ماسەلەلەر عاسىرعا جۋىق ۋاقىت وتسە دە كۇنى بۇگىنگە دەيىن ماڭىزىن جوعالتقان جوق. ال سول كەزەڭدە جارىق كورگەن ماسەلەلەر زاڭدى ساباقتاستىعىن تاۋىپ بۇگىنگى باسپاسوزدە دە ايتىلىپ, جازىلىپ ءجۇر. ەندەشە, قازاق ءباسپاسوزىنىڭ تاريحى – قازاقتىڭ تاريحى دەۋگە ابدەن نەگىز بار. ارينە, تاريح ءۇشىن 3 جىل دەگەن كوپ ۋاقىت بولا قويماۋى مۇمكىن. دەسەك تە, وسى ۋاقىتتا بۇگىنگى قازاقتىڭ ءسۇت بەتىنە شىعار قايماقتارىنىڭ تۇگەلى دەرلىك ءبىزدىڭ باسىلىمعا سۇحبات بەرىپ, ءوز وي-پىكىرىن, ەلگە ونەگە, وسيەت بولارلىق اڭگىمەسىن اقتارىلا ايتتى. شەرحان مۇرتازا, قابدەش جۇمادىلوۆ, قاليحان ىسقاق, ءتولەن ابدىك ۇلى, نەسىپبەك ايت ۇلى, كامال ورمانتاەۆ, سەيىتحان جوشىباەۆ, توقتار اۋباكىروۆ سىندى ەلۋگە جۋىق اۋزى دۋالى, ءسوزى ءۋالى ازاماتتاردىڭ سىر-سۇحباتى توپتاستىرىلىپ بەرىلدى جيناققا.
– ياعني حالىق ءسوزىن ايتىپ جۇرگەن ازاماتتاردىڭ اعىنان جارىلعان اڭگىمەسىن «حالىق ءسوزىنىڭ» جيناعىنان تاباسىزدار دەيسىڭ عوي. ءجون-اق ەكەن. شىعارماشىلىق ۇجىمنىڭ تەك گازەت شىعارىپ قانا قويماي, كوپتەگەن قوعامدىق ىستەردە دە اتى اتالىپ جۇرگەنىن بىلەمىز. مۇنداعى ماقسات نە؟
– ەڭ اۋەلى كەز كەلگەن ماسەلەنىڭ سالدارىن عانا جازىپ قويماي, سەبەبىنە دە تەرەڭدەپ ءۇڭىلۋدى ءجون سانادىق. قازىر تەحنيكا دامىعان, ينتەرنەتتىڭ زامانى, اقپارات تاسقىنى كوز ىلەسپەس جىلدامدىقپەن كەلىپ جاتىر. قىسقاسى, بولمەدەن شىقپاي-اق گازەت شىعارا بەرۋگە بولاتىنداي مۇمكىندىك جاسالىپ قويعان. دەسەك تە, ەلدىڭ ءوز ءىشىن زەرتتەپ بىلمەي, بۇقارامەن بايلانىس جاساماي, ينتەرنەت ارقىلى تاراعان اقپاراتتى عانا العا تارتىپ, بىلايشا ايتقاندا, سىرتىنان تون پىشكەن گازەت قايتىپ حالىقتىڭ كوزى, قۇلاعى, ءتىلى بولا الادى؟! جانە ونداي اقپارات قۇرالىنىڭ بۇقارا الدىندا بەدەلى بولا ما, جالپى؟ وسى ماسەلەگە جەتە ءمان بەرىپ, قوعامدىق ءىس-شارالارعا دا بەلسەنە ارالاسىپ وتىرۋدى قۇپ كوردىك. ماسەلەن, مۇمكىندىگى شەكتەۋلى جانداردىڭ ماسەلەسى قاتتى تولعاندىردى ءبىزدى. ولاردىڭ مۇڭ-مۇقتاجىن گازەتتە جازۋداي-اق جازىپ ءجۇرمىز, بىراق ىشكى جان دۇنيەسىنە ۇڭىلە الدىق پا, كوڭىلىن اۋلاپ, جانىنا مەدەت بولا الاتىنداي ءىس قىلدىق پا دەگەن
