Birgemiz قورىنىڭ قامقورشىلىق كەڭەسى ەلىمىزدەگى 23 قالانىڭ 150 مىڭنان استام تۇرعىنىنا كومەك كورسەتۋ تۋرالى شەشىم قابىلداعانى بەلگىلى. قاراعاندى وبلىسىندا مۇنداي باقىتقا قاراعاندى, تەمىرتاۋ جانە جەزقازعان قالالارى يە بولعان ەدى.
قاديشا وسپانوۆا بۇگىنگى كۇندە وبلىستا اتالعان قوردىڭ Birgemiz-Qaragandy دەپ اتالاتىن فيليالى اشىلعانىن اتاپ ءوتتى. وعان جوعارىدا اتالعان ءۇش قالادا تۇراتىن تابىسى وتە تومەن ادامداردى قولداۋ ءۇشىن رەسپۋبليكالىق قوردان اقشا تۇسەدى. كومەكتى ۇلەستىرۋ ءۇشىن قالا اكىمدەرى مەن الەۋمەتتىك قورعاۋ ورگاندارى قولداۋعا مۇقتاج ادامداردىڭ ءتىزىمىن بەرۋى كەرەك.
ء«ساۋىر ايىنىڭ 9-16 كۇندەرى ارالىعىندا ءبىرىنشى ترانشپەن قاراعاندى وبلىسىنىڭ ءۇش قالاسىنىڭ تۇرعىندارىنا 50 مىڭ تەڭگەدەن اۋدارىلدى. حالىقتىڭ الەۋمەتتىك وسال توپتارىنىڭ ساناتىنا كىرەتىن 13 674 ادامعا (كوپ بالالى, I توپتاعى مۇگەدەكتەر, مۇگەدەك بالانى كۇتۋشى تۇلعالار, جاسىنا بايلانىستى زەينەتكەرلەر, ەڭ تومەنگى زەينەتاقى الاتىن, جەتىم بالالار, جانە اسىراۋشىسىنىڭ بىرىنەن ايىرىلعان بالالار, ۇوس قاتىسۋشىلارى جانە ولارعا تەڭەستىرىلگەن تۇلعالار, تىل ەڭبەككەرلەرى) جالپى سوماسى 683 ملن 700 مىڭ تەڭگەگە كومەك كورسەتىلدى», دەدى قاديشا وسپانوۆا.
ماتەريالدىق كومەك ەكىنشى دەڭگەيدەگى بانكتەر ارقىلى جەكە ادامنىڭ كارتوچكالىق نەمەسە اعىمداعى شوتىنا اۋدارىلادى. مۇنداي قولداۋ كاسىپكەر-مەتسەناتتاردىڭ كومەگىنىڭ ارقاسىندا مۇمكىن بولدى.
قاديشا وسپانوۆا مامىر ايىنىڭ باسىندا جۇزەگە اساتىن ەكىنشى ترانشپەن قاراعاندى, تەمىرتاۋ جانە جەزقازعان قالاسىنان 18 383 ادامدى قامتۋ جوسپارلانعانىن اتاپ ءوتتى.
سونداي-اق, #Bizbirgemiz #NurOtan قايىرىمدىلىق اكتسياسى اياسىندا 19 ناۋرىزدان 26 ساۋىرگە دەيىن قاراعاندى وبلىسىندا Jas Otan جانە Saryarqa jastary ەرىكتىلەر بريگادالارىنىڭ كۇشىمەن 5 100 مۇقتاج وتباسىنا (كوپ بالالى جانە تولىق ەمەس وتباسىلار, مۇمكىندىگى شەكتەۋلى جاندار, ارداگەرلەر, تىل ەڭبەككەرلەرى, جەتىم بالالار) 65 ملن تەڭگەگە كومەك كورسەتىلگەن. ولار انتيسەپتيكالىق قۇرالدارمەن, مەديتسينالىق ماسكالارمەن جانە ءبىرىنشى قاجەتتىلىك ونىمدەرىمەن قامتاماسىز ەتىلىپتى.
وبلىستىق شتابتىڭ ءاربىر ەرىكتىسى كۇن سايىن ورتا ەسەپپەن 10-12 مەكەنجايدى ارالاپ شىعادى ەكەن جانە ولار دەمالىسسىز جۇمىس ىستەيتىن كورىنەدى.
سونىمەن قاتار كاسىپكەرلەر, پارتيانىڭ بەلسەندى مۇشەلەرى الەۋمەتتىك جاعىنان وسال ازاماتتارعا 36 توننا كارتوپ, 16 توننا ۇن, 5 توننا ەت, 1000 تاۋىق ەتى, كوكونىس پەن جەمىس-جيدەكتەر ۇلەستىرىپتى. پارتيالىقتار كوپ رەت قولدانىلاتىن ماسكالاردى تىگۋدى ۇيىمداستىرىپ, 10 مىڭنان استام جەكە تاڭعىشتار تاراتقان.
Nur Otan پارتياسى قاراعاندى وبلىستىق فيليالى توراعاسىنىڭ ءبىرىنشى ورىنباسارى قاديشا وسپانوۆا قازىرگى تاڭدا جۇمىستىڭ قىزىپ تۇرعانىن ايتادى. فيليالدىڭ قوعامدىق قابىلداۋ بولمەسىنە جانە رەسمي اككاۋنتتارىنا كۇن سايىن 150 ءوتىنىش كەلىپ تۇسەدى ەكەن.
«قاراعاندىدا 1 ساۋىردەن باستاپ 85 جاستان اسقان 49 جالعىز باستى جانە اسا مۇقتاج زەينەتكەر ءۇشىن كۇن سايىن ىستىق تاماق دايىنداۋ جانە جەتكىزۋ ۇيىمداستىرىلعان. بۇل كومەك كارانتين اياقتالعانعا دەيىن جالعاسادى», دەيدى قاديشا وسپانوۆا.
قاراعاندى وبلىسى
