مەملەكەت باسشىسىنىڭ تاپسىرماسىمەن ۋاقىتىندا الدىن الۋ شارالارى جاسالىپ, الماتى, نۇر-سۇلتان سياقتى ءىرى قالالاردى جاۋىپ, جۇمىس ءبىرجولا توقتادى. مەن قۇرىلىستا جۇمىس ىستەيمىن. ءبىزدىڭ دە جۇمىس ۋاقىتشا توقتادى. ايلىق پاتەراقى مەن كۇندەلىكتى ازىق-ت ۇلىكتى باسىندا ۋايىمداعان ەدىك, كەيىن از دا بولسا كومەك رەتىندە بەرىلگەن 42500 تەڭگەنى الىپ, كوڭىلىمىز ورنىقتى. بارعا سابىر, جوققا شۇكىر ەتە وتىرىپ, ءبىز وسى قيىندىقتى جۇرت بولىپ جۇمىلىپ, ەل بولىپ بىرگە ەڭسەرەرىمىزگە سەنەمىن!
مەملەكەت باسشىسى قاسىم-جومارت توقاەۆ كەشەگى مالىمدەمەسىندە «ۇكىمەت كەلەسى ايدا دا تابىسىنان ايىرىلعان ازاماتتارعا 42500 تەڭگە كولەمىندە كومەك بەرەدى. قايتادان ءوتىنىم جىبەرۋدىڭ قاجەتى جوق. تولەم بۇرىن ۇسىنىلعان قۇجات بويىنشا جۇزەگە اسىرىلادى» دەگەنىن وقىپ قۋانىپ قالدىم. وسىنداي قيىن-قىستاۋ كەزەڭدە ءبىر جەڭنەن قول, ءبىر جاعادان باس شىعارىپ بىرلىگىمىز مەن ازاماتتىعىمىزدى تانىتۋىمىز كەرەك.
وسى ورايدا تابىسىنان ايىرىلعان ازاماتتارعا قولۇشىن بەرىپ جاردەمدەسكەن پرەزيدەنت قاسىم-جومارت كەمەل ۇلىنا العىس ايتقىم كەلەدى. الەمدى شارپىعان ىندەت ىرگەمىزدەن جوعالىپ, جايما-شۋاق كۇنگە تەزىرەك جەتسەك ەكەن دەپ تىلەيمىن.
قۇرمەت توكەي ۇلى,
قۇرىلىسشى
نۇر-سۇلتان
