سونىمەن قاتار حالىقتىڭ شىدامدىلىعىنا, تارتىپكە باعىنعان ومىرلەرىنە, ەل اماندىعى مەن حالىق كەلەشەگىنە, ونىڭ قاۋىپسىزدىگى ءۇشىن ەرەن ەڭبەك ەتىپ جۇرگەن جاندارعا دا – دارىگەرلەر مەن مەديتسينا قىزمەتكەرلەرىنە, قۇقىق قورعاۋ ورگاندارىنىڭ وكىلدەرىنە جانە اسكەري قىزمەتشىلەرگە العىسىن ءبىلدىرۋى پرەزيدەنتتىڭ ءوز تاراپىنان ەلگە, حالىققا كورسەتكەن ەرەكشە قولداۋى رەتىندە قابىلدانۋى ءتيىس.
پرەزيدەنت ءوز مالىمدەمەسىندە ء«بىز قازىردەن باستاپ داعدارىستان كەيىنگى كەزەڭگە دايىندالۋىمىز كەرەك» دەگەن ۇستانىمعا ەرەكشە ءمان بەردى. داعدارىس ءاردايىم كەز كەلگەن مەملەكەتكە, مەكەمەگە, ءتىپتى جەكە ادامنىڭ وزىنە تولاسسىز مۇمكىندىك بەرەدى. داعدارىس – ول ءوسۋ, ول ءبىر ساپالى دەڭگەيدەن ەكىنشى ساپالى جاعدايعا اۋىسۋ مۇمكىندىگى. بۇل مۇمكىندىكتەر نەدە؟
بىرىنشىدەن, پرەزيدەنت اتاپ وتكەن مەملەكەتتىك باسقارۋ جۇيەسى, ياعني ءتيىمدى مەملەكەت, ءتيىمدى مەملەكەتتىك اپپارات, ءتيىمدى مەملەكەتتىك قىزمەت دەگەن قۇندىلىقتاردى ايقىندايدى. الدىڭعى قاتارعا مەملەكەتتىك اپپارات تيىمدىلىگى شىعادى, ياعني ءوزارا ارەكەتتەسۋ, سونداي-اق قوعام مەن كوممۋنيكاتسيانى جەدەلدەتۋ ءارى وڭتايلاندىرۋ.
ەكىنشىدەن, ءداستۇرلى ءوزارا ارەكەتتەسۋ بەلسەندىلىگى تومەندەۋى سالدارىنان ونلاين ارەكەتتەسۋ بەلسەندى تۇردە داميدى. بۇل ءبىلىم بەرۋ, ساۋدا, مەديتسينا, مەملەكەتتىك قىزمەت كورسەتۋ سياقتى سالالاردا ەرەكشە ايقىن كورىنىس تابادى. جاڭا بيزنەس ۇلگىلەر, پرينتسيپتەر, نورمالار پايدا بولۋى مۇمكىن, ءتىپتى حالىقتىڭ تۇتىنۋ سيپاتى دا وزگەرۋى مۇمكىن.
ۇشىنشىدەن, COVID-19 ىندەتى بۇگىندە ءتىپتى سايلاۋ پروتسەستەرىنە دە ۇلكەن وزگەرىستەر اكەلۋدە. سول سەبەپتى سايلاۋ پروتسەسىن ۇيىمداستىرۋدى جەتىلدىرۋ جاعىنان دا مۇمكىندىكتەر مول. مىسالى, وڭتۇستىك كورەيا پاندەميا جاعدايىنا قاراماستان, ءوز ەلىندە پارلامەنتتىك سايلاۋدى وتكىزدى, ياعني كەز كەلگەن ءۇردىستى بەيىمدەۋگە ءارى وزگەرتۋگە بولادى دەگەن ءسوز.
تورتىنشىدەن, توتەنشە جاعداي قوعامدا تسيفرلى ساۋاتتىلىق, تسيفرلاندىرۋ ماسەلەسىنىڭ وزەكتىلىگىن ەرەكشە كورسەتتى. بۇل توتەنشە جاعداي مەملەكەتتىڭ بىرقاتار سالاسىندا, اسىرەسە ءبىلىم, الەۋمەتتىك, ەڭبەك, قارجى, ءتىپتى ويىن-ساۋىق يندۋسترياسىنىڭ وزىندە تسيفرلى تەحنولوگيالاردى دامىتۋ مۇمكىندىگىن بەرىپ وتىرعانىن كورىپ وتىرمىز. سول ارقىلى, حالىقتىڭ تەحنولوگيالاردى پايدالانۋ دەڭگەيى كۇرت وسەدى دەپ بولجاۋعا بولادى. ال تەحنولوگيا ءاردايىم اشىقتىق ءارى ترانسپارەنتتىلىك قاعيداتتارىنىڭ جۇزەگە اسۋىنا ەرەكشە سەرپىن بەرەدى.
بەسىنشىدەن, توتەنشە جاعدايدا ەرىكتىلەر, ازاماتتىق بەلسەندىلەر حالىققا ەرەكشە كومەكتەسۋدە. بۇل دا ءبىزدىڭ ەل ءۇشىن ۇلكەن مۇمكىندىك, وسىنداي ازاماتتىق باستامالار لەگىن ءارى قاراي جالعاستىرۋ ارقىلى مەملەكەت ازاماتتاردىڭ ەلىنە, جەرىنە, ەلدى مەكەنىنە دەگەن جاۋاپكەرشىلىك سەزىمىن دە ۇيالاتادى. قازاقستاننىڭ ومىرلىك ۇستانىمى بولعان بىرلىك ءارى ىنتىماق دەگەن تۇسىنىك ەل ءۇشىن دە, مەملەكەت ءۇشىن دە ايرىقشا مانگە يە بولۋى مۇمكىن.
پرەزيدەنت ايتىپ وتكەندەي, «كەمشىلىكتەردى ءبىز كورىپ وتىرمىز. ودان ءتيىستى ساباق الىپ, قاجەتتى شارالاردى قابىلدايمىز», ياعني ۇستانىمى بيىك ەل رەتىندە ءبىز دە پاندەميا جاعدايىنان ءوز ساباقتارىمىز بەن ءوز مۇمكىندىكتەرىمىزدى الاتىنىمىز ءسوزسىز.
الۋا جولدىبالينا,
پرەزيدەنت جانىنداعى قازاقستان ستراتەگيالىق زەرتتەۋلەر ينستيتۋتىنىڭ ءبولىم باسشىسى
