شاراينا
پحەنيان مەن سەۋل اراسىندا بەس ايعا سوزىلعان كەلىسسوزدەر بىرلەسكەن كەسون وندىرىستىك ايماعىنىڭ اشىلۋىمەن اياقتالدى. وڭتۇستىك پەن سولتۇستىك شەتەل ينۆەستورلارىن تارتىپ, كەسوندى حالىقارالىق دەڭگەيدە باسەكەگە قابىلەتتى يندۋستريالىق كەشەنگە اينالدىرماق.
بۇل وقيعا پحەنيان مەن سەۋل اراسىنداعى ساياسي شيەلەنىس سالدارىنان بەس اي كەشىگىپ ورىن الىپ وتىر. ءسويتىپ, 16 قىركۇيەكتە جەرگىلىكتى ۋاقىتپەن 8.00-دە جۇك كولىكتەرىنىڭ ۇزىن تىزبەگى كحدر شەكاراسىن كەسىپ وتە باستاعان. 800-دەن استام وڭتۇستىك كورەيا ازاماتتارى وسى بىرلەسكەن وندىرىستىك ايماققا كەلۋى ءتيىس. سەۋلدىڭ پىكىرىنشە, كەسوننىڭ شەتەل ينۆەستورلارى ءۇشىن قولجەتىمدى بولۋى كحدر-ءدىڭ بولاشاقتا كەشەندى قايتادان جاۋىپ تاستاماۋىنا كەپىلدىك بەرەتىن بولادى.
پحەنيان مەن سەۋل اراسىندا بەس ايعا سوزىلعان كەلىسسوزدەر بىرلەسكەن كەسون وندىرىستىك ايماعىنىڭ اشىلۋىمەن اياقتالدى. وڭتۇستىك پەن سولتۇستىك شەتەل ينۆەستورلارىن تارتىپ, كەسوندى حالىقارالىق دەڭگەيدە باسەكەگە قابىلەتتى يندۋستريالىق كەشەنگە اينالدىرماق.
بۇل وقيعا پحەنيان مەن سەۋل اراسىنداعى ساياسي شيەلەنىس سالدارىنان بەس اي كەشىگىپ ورىن الىپ وتىر. ءسويتىپ, 16 قىركۇيەكتە جەرگىلىكتى ۋاقىتپەن 8.00-دە جۇك كولىكتەرىنىڭ ۇزىن تىزبەگى كحدر شەكاراسىن كەسىپ وتە باستاعان. 800-دەن استام وڭتۇستىك كورەيا ازاماتتارى وسى بىرلەسكەن وندىرىستىك ايماققا كەلۋى ءتيىس. سەۋلدىڭ پىكىرىنشە, كەسوننىڭ شەتەل ينۆەستورلارى ءۇشىن قولجەتىمدى بولۋى كحدر-ءدىڭ بولاشاقتا كەشەندى قايتادان جاۋىپ تاستاماۋىنا كەپىلدىك بەرەتىن بولادى.
سيريا بويىنشا بايانداما ۇسىنىلماق
بۇۇ باس حاتشىسى پان گي مۋن 15 قىركۇيەكتە سيريادا حيميالىق قارۋ قولدانۋ فاكتىسىن انىقتاۋ جونىندەگى بۇۇ ميسسياسىنىڭ بايانداماسىن الدى. تاياۋدا باس حاتشى بۇۇ قاۋىپسىزدىك كەڭەسى مۇشەلەرى الدىندا وسى ماسەلە بويىنشا بريفينگ وتكىزۋى ءتيىس.
پان گي مۋن جۋرناليستەرمەن بۇۇ-نىڭ نيۋ-يوركتەگى شتاب-پاتەرىندە كەزدەسەتىن بولادى. وسى كەزدەسۋدە باس حاتشى ميسسيانىڭ بۇۇ باس اسسامبلەياسى الدىنداعى بايانداماسى بويىنشا دا بريفينگ وتكىزبەك. وسى ورايدا, بۇۇ-نىڭ سيريادا حيميالىق قارۋ قولدانۋ فاكتىسىن انىقتاۋ جونىندەگى ميسسياسىنىڭ ول ەلدە 18-31 تامىز ارالىعىندا ەكى اپتا بويى تەكسەرۋلەر جۇرگىزگەنىن ايتا كەتۋ قاجەت.
مەركەلدىڭ پارتياسى جەڭىسكە جەتتى
انگەلا مەركەلدىڭ حريستياندىق-الەۋمەتتىك وداق پارتياسى باۆارياداعى سايلاۋدا ءوزى ءۇشىن پارلامەنتتەگى باسىم كوپشىلىك ورىندى قامتاماسىز ەتتى. الدىن الا حابارلانعان رەسمي مالىمەتتەرگە سايكەس, ءحاو سايلاۋشىلاردىڭ 47,7 پايىز داۋىسىنا يە بولعان.
وسىدان بەس جىل بۇرىن پارتيا 43,4 پايىز داۋىس جيناعان بولاتىن. ونىڭ بىلايعى ساياسي قارسىلاستارى – ەركىن دەموكراتتار مەن سۆدپ 5 پايىزدىق مەجەدەن اسا الماي قالدى. ءوز كەزەگىندە سوتسيال-دەموكراتتار وتكەن جىلعى سايلاۋعا قاراعاندا, جاعدايلارىن جاقسارتىپ, سايلاۋشىلاردىڭ 20,6 پايىز داۋىسىنا يە بولعان. ال 2,1 جانە 2 پايىز عانا داۋىس جيناعان سولشىل پارتيا مەن پيراتتار پارتياسى پارلامەنتكە وتە الماي قالدى.
تايفۋن تاعى قاۋىپ توندىرۋدە
كەشە تاڭەرتەڭگىلىك جاپونيانىڭ شىعىس جاعالاۋىنا جەتكەن قۋاتتى تايفۋن «فۋكۋسيما-1» اەس-ءىنىڭ بوگەتىن بۇزىپ كەتۋ قاۋپىن توندىرۋدە.
جوعارى راديواكتيۆتى سۇيىق تولىپ تۇرعان ىدىستاردىڭ بۇزىلۋىنا جول بەرمەۋ ءۇشىن وپەراتور-كومپانيا اكىمشىلىگى جاڭبىر سۋىن مۇحيتقا اعىزىپ جىبەرۋ جونىندە شەشىم قابىلداعان. ماماندار بارلىق بوگەتتەردە شۇعىل ولشەۋ شارالارىن جۇرگىزۋدە. ەگەر جوعارى راديواكتيۆتىلىك بايقالار بولسا, ۋلانعان سۋ بىردەن بولات تسيستەرنالارعا اۋىستىرىلاتىن بولادى. بۇعان دەيىن «فۋكۋسيمانىڭ» جەراستى سۋلارىنداعى تريتي دەڭگەيىنىڭ 20 ەسەدەن استامعا ۇلعايعانى جانە ونىڭ ءالى دە ءوسۋ ۇستىندە ەكەنى بەلگىلى بولعان-دى.
سۋ تاسقىنى اكەلگەن اپات
امەريكانىڭ كولورادو شتاتىندا بولعان سۋ تاسقىنى سالدارىنان, الدىن الا مالىمەتتەر بويىنشا, 6 ادام قازا تاۋىپ, 1200-دەي ادام حابار-وشارسىز كەتكەن.
شتات گۋبەرناتورى دجون حيكەنلۋپەردىڭ مالىمدەۋىنشە, حابار-وشارسىز كەتكەندەردىڭ كوپشىلىگىنە قاۋىپ ءتونىپ تۇرعان جوق, بار بولعانى ولار تەلەفون سياقتى بايلانىس كوممۋنيكاتسيالارىنان قول ءۇزىپ قالعاندىقتان, تۋىستارىمەن حابارلاسا الماي وتىر. وسى ورايد
