اتالمىش اكتسيانىڭ II كەزەڭى اياسىندا ۆولونتەرلەر قاتارىنا قازاقستاندىق ەسترادا وكىلدەرى, تەلەجۇرگىزۋشىلەر, اكتەرلەر جانە ت.ب. ونەر مايتالماندارى قوسىلدى. بۇگىن ۆولونتەر قاتارىنا تۇرسىنبەك قاباتوۆ, جەڭىس سەيدۋللا ۇلى, مارجان اراپباەۆا جانە ءادىل احمەتوۆ قوسىلدى.
«مەن وسى جەردە بولىپ, اتالعان ناۋقانعا ۆولونتەر رەتىندە قاتىسۋعا قۋانىشتىمىن. جاستاردىڭ وسىنداي قيىن كەزەڭدە ءوز ەلىنە جاۋاپكەرشىلىكپەن كومەكتەسىپ جاتقاندارى وتە قاتتى قۋانتادى. وسى پاندەميا تەزىرەك اياقتالىپ, ارقاشاندا اسپانىمىز اشىق بولىپ, ەلىمىزدىڭ تىنىشتىعى بۇزىلماسىن دەپ تىلەيمىن. ازاماتتاردى كارانتيندىك شارالاردى ساقتاۋعا شاقىرعىم كەلەدى. ءبىز بىرگەمىز!» - دەدى تۇرسىنبەك قاباتوۆ.
بۇگىنگى تاڭدا جاسوتاندىقتار ەل بويىنشا 65 مىڭنان استام وتباسىن الەۋمەتتىك سەبەتتەرمەن قامتاماسىز ەتتى. ۆولونتەرلەر ۇلەستىرەتىن ءار قوراپتا 30 كيلودان استام ازىق-ت ۇلىك بار. وعان ءبىرىنشى قاجەتتىلىكتەگى ازىق-ت ۇلىك ونىمدەرى, جارما, ماكارون, كۇنباعىس مايى جانە شاي سەكىلدى تاۋارلار كىرەدى. سونداي-اق ازىق-ت ۇلىكپەن بىرگە ءار وتباسىنا 50 بەتپەردە تابىستالادى.
19 ناۋرىزدان باستاپ Jas Otan-نىڭ 3000-نان استام ەرىكتىلەرى 65 مىڭنان استام وتباسىن ءبىرىنشى قاجەتتىلىكتەگى تاۋارلارمەن قامتاماسىز ەتۋگە كومەك كورسەتتى.
قر تۇڭعىش پرەزيدەنتى - ەلباسى, «Nur Otan» پارتياسىنىڭ كوشباسشىسى ن. ءا. نازارباەۆتىڭ تاپسىرماسى بويىنشا قۇرىلعان «Birgemiz» قورى بۇگىنگى تاڭدا 152 000 از قامتىلعان وتباسىلارعا 50 000 تەڭگەدەن قارجىلاي كومەك كورسەتتى.
قور سونداي-اق, نۇر-سۇلتان جانە الماتى قالالارىنىڭ 2000-نان استام دارىگەرلەرىنە 50 000 تەڭگە كولەمىندە اقشالاي قولداۋ كورسەتتى.
