قازاقستان پروكۋراتۋراسىنىڭ تاريحىندا ەسىمى التىن ارىپپەن جازىلعان تۇلعانىڭ ءبىرى – وتەگەن سەيىت ۇلى سەيىتوۆ. ول حالقىمىز ءۇشىن ەڭ قيىن كەزەڭدە دۇنيەگە كەلىپ, تاعدىردىڭ ماڭدايىنا جازعان تاۋقىمەتىنە مويىماي, ورلىكتىڭ, ەرلىكتىڭ ۇلگىسىن كورسەتە بىلگەن قايراتكەر ەدى. وتەگەن سەيىت ۇلى ون سەگىز جىل بويى قازاق كسر پروكۋرورى قىزمەتىن اتقارىپ, قاراپايىمدىلىعى مەن كىسىلىگىن اسقاقتاتىپ, كوپتىڭ قۇرمەتىنە بولەندى, باتاسىن الدى. ءسوزىمىزدىڭ راستىعىن ناقتى دالەلدەرمەن دايەكتەپ, «بۇگىنگى پروكۋرور قانداي بولۋ كەرەك؟» دەگەن سۇراققا وتەگەن سەيىتوۆ ءومىرى مەن تاعىلىمى ارقىلى جاۋاپ بەرۋگە بولاتىن ءتارىزدى.
قازاقستان پروكۋراتۋراسىنىڭ تاريحىندا ەسىمى التىن ارىپپەن جازىلعان تۇلعانىڭ ءبىرى – وتەگەن سەيىت ۇلى سەيىتوۆ. ول حالقىمىز ءۇشىن ەڭ قيىن كەزەڭدە دۇنيەگە كەلىپ, تاعدىردىڭ ماڭدايىنا جازعان تاۋقىمەتىنە مويىماي, ورلىكتىڭ, ەرلىكتىڭ ۇلگىسىن كورسەتە بىلگەن قايراتكەر ەدى. وتەگەن سەيىت ۇلى ون سەگىز جىل بويى قازاق كسر پروكۋرورى قىزمەتىن اتقارىپ, قاراپايىمدىلىعى مەن كىسىلىگىن اسقاقتاتىپ, كوپتىڭ قۇرمەتىنە بولەندى, باتاسىن الدى. ءسوزىمىزدىڭ راستىعىن ناقتى دالەلدەرمەن دايەكتەپ, «بۇگىنگى پروكۋرور قانداي بولۋ كەرەك؟» دەگەن سۇراققا وتەگەن سەيىتوۆ ءومىرى مەن تاعىلىمى ارقىلى جاۋاپ بەرۋگە بولاتىن ءتارىزدى.
ادام تاعدىرى ارقيلى قالىپتاسادى. بالالىق شاعى اشتىق جىلدارىمەن تۇسپا-تۇس كەلىپ, اناسىنان ەرتە ايىرىلعان, جەتىمدىكتىڭ زاردابىن اياۋسىز تارتقان وتەگەن سەيىت ۇلىنىڭ: «كەيدە وڭاشا قالعانىمدا ءارتۇرلى سەبەپتەرمەن ءومىرىمنىڭ تالاي-تالاي بەلەستەرىن شىم-شىمداپ ەسكە الامىن. ءومىر بولعان سوڭ جاقسىلىعى دا, جامانشىلىعى دا ارالاس. نە دە بولسا, بۇل مەنىڭ ءومىرىم, وتكەن سوقپاقتارىم. وتىزىنشى جىلدارداعى جەتىم كوڭىل, اشتىقپەن وتكەن بالالىق, ونان بەرىرەكتەگى يىعىمىزعا ءبۇتىن كيىم ىلە الماي جۇرگەن قايران بوزبالالىق, وق پەن وتتىڭ اراسىنداعى جانكەشتى مايدان, شىبىن جاننىڭ ساۋلىعى مەن بەيبىت كۇندەردىڭ قىزىعى, بالاڭ ماحاببات, قىزمەت, تۇرمىس سەرگەلدەڭى, پەرزەنت قىزىعى, رەسپۋبليكالىق دارەجەدەگى قىزمەتكە كوتەرىلۋىم – ەگەر وسى جولدىڭ بارلىعىن ءوزىم بار بولمىسىممەن سەزىنىپ ءوتپەسەم ادام سەنبەستەي. بۇل – تاعدىر, بۇل – ءومىر», دەگەن سوزدەرىندە ءبىر ادامنىڭ تۇتاس عۇمىرى ءبىر ءداننىڭ قاۋىزىنا سىيىپ كەتكەندەي.
وتەگەن سەيىتوۆتىڭ ومىرلىك ماقساتى زاڭدىلىقتى ساقتاۋ, قىلمىس اتاۋلىمەن كۇرەسىپ, ازاماتتاردىڭ قۇقىعى مەن مۇددەسىن قورعاۋ بولاتىن. ول 1966 جىلدىڭ 28 ناۋرىزىندا كسرو باس پروكۋرورىنىڭ بۇيرىعىمەن قازاق كسر پروكۋرورى بولىپ تاعايىندالدى. رەسپۋبليكا پروكۋرورى بولىپ تۇرعان شاعىندا ەلدەگى ءار وقيعاعا جەكە ءمان بەرىپ, نازارىنان تىس قالدىرماۋعا تىرىستى. اسىرەسە, شىمكەنت قالاسىندا بولعان وقيعا تۋرالى بايانداعان ەستەلىگىنەن «ۇشقىننان جالىن قاۋلايدى» دەپ بۇزاقىنىڭ قولىنان جاراقات الىپ, قازا تاپقان ادامنىڭ ءولىمىن قالا ميليتسياسىنان كورىپ, كوتەرىلگەن حالىقتىڭ نارازىلىعى تۋرالى جان-جاقتى بايانداپ بەرگەن. كوشەدە سوققىدان ەسىنەن تانىپ, قۇلاپ قالعان ازامات ميليتسيا بولىمشەسىنە جەتكىزىلگەندە كوز جۇمادى. كىم ەكەنىن انىقتاعان ساتتە اۆتوبازا قىزمەتكەرى ەكەنى بەلگىلى بولادى. اقپاراتتى انىق بىلمەگەن مارقۇمنىڭ ارىپتەستەرى, قالانىڭ كولىك جۇرگىزۋشىلەرى وتقا ماي قۇيۋشى بۇزىقتاردىڭ سوزىنە ىلەسىپ, قالا ورتالىعىندا ماشينالاردى ءبىر جەرگە تىرەپ قويىپ, كولىكتەردىڭ جۇرۋىنە مۇمكىندىك بەرمەدى. قولدارىنا بەنزين تولعان قۇتىلاردى الىپ, وبلىستىق جانە قالالىق ىشكى ىستەر باسقارماسىنىڭ عيماراتتارىن ورتەپ جىبەرگەن. اباقتىنى قورشاپ الىپ, ونى دا ورتەمەكشى بولعان ساتتە ميليتسيا قىزمەتكەرلەرى جانقيارلىق ەرلىك كورسەتىپ, تۇرمەنىڭ تۇگەلدەي ورتەنۋىنە جول بەرمەدى. شۇعىل تەكسەرۋ جۇرگىزىلىپ كىنالىلەر انىقتالدى. بىراق مۇنداي ارانداتۋشىلاردىڭ لاڭىنان قانشاما ادام قۇربان بولىپ قانشاما ادام تاعدىرى ورنى تولماس وكىنىشكە ۇشىرادى. مۇنى جىلدار وتكەن سوڭ دا ۇمىتا الماعان وتەگەن سەيىت ۇلى وقيعانى بايانداۋ ارقىلى, مۇنداي وقيعالاردىڭ قايتالانباۋى ءۇشىن حالىقتىڭ شىنايى اقپاراتتى ءبىلۋىنىڭ ماڭىزدى ەكەنىن ەسكەرتەدى. ارينە, كىنا ەكى ادام اراسىنداعى جانجالدان تۋىنداعانىن, ميليتسيا قىزمەتكەرلەرىنىڭ تەك كوشەدە جاراقات العان جانعا كومەك كورسەتكەنىن ءبىلگەندە, جاپپاي تارتىپسىزدىك ورىن الماس ەدى. ارادا قانشاما جىلدار وتسە دە الگى كەلەڭسىز جايتتى كۇرسىنىسپەن ەسىنە تۇسىرگەن ازاماتتىڭ ءوز حالقىنا جاناشىرلىعى انىق بايقالادى.
وتەگەن سەيىتوۆتىڭ ءومىردىڭ تالاي قيىندىعىن ءوز باسىنان وتكەرە وتىرىپ جيناقتاعان تاجىريبەسى بۇگىنگى تاڭدا وسى سالادا قىزمەت اتقارىپ جۇرگەندەرگە ساباق بولارى ءسوزسىز.
ونىڭ وسى لاۋازىمدا وتىرعان شاعىندا الماتىدا ادام جانى تۇرشىگەتىن وقيعا ورىن الدى. قالا حالقىن شۋلاتقان بۇل جاعداي د. دەگەن قىلمىسكەردىڭ ءىس-ارەكەتىنە قاتىستى ەدى. جازىقسىز ءۇش قىزدىڭ قانىن موينىنا جۇكتەپ, جيىرما جەتى قىزدى زورل
