ەلوردا بۇل جونىنەن الماتىنى باسىپ وزدى
استانادا سوڭعى ءبىر ايدىڭ ىشىندە پاتەردىڭ باعاسى ەكى پايىزعا جۋىق (1,61 %) قىمباتتاعان بولسا, الماتىدا بۇل كورسەتكىش ءبىر پايىز دەرلىك (0,64 %) قالىپتى ۇستادى. بۇل تۋرالى «كازريەلتنەدۆيجيموست» پورتالىنا سىلتەمە جاساعان Tengrinews.kz حابارلادى.
ەلوردا بۇل جونىنەن الماتىنى باسىپ وزدى
استانادا سوڭعى ءبىر ايدىڭ ىشىندە پاتەردىڭ باعاسى ەكى پايىزعا جۋىق (1,61 %) قىمباتتاعان بولسا, الماتىدا بۇل كورسەتكىش ءبىر پايىز دەرلىك (0,64 %) قالىپتى ۇستادى. بۇل تۋرالى «كازريەلتنەدۆيجيموست» پورتالىنا سىلتەمە جاساعان Tengrinews.kz حابارلادى.
وسىمەن ءبىر مەزگىلدە استانادا پاتەردىڭ ورتا قۇنى قىركۇيەك ايىندا شارشى مەترىنە 303,6 تەڭگەنى (1,9 مىڭ دوللار) قۇراعانى بەلگىلى بولدى. ەلورداداعى جىلجىمايتىن م ۇلىكتىڭ قايتالاما رىنوگىنداعى پاتەردىڭ باعاسى شارشى مەترىنە 1,93 پايىزدان 307 تەڭگەگە (ەكى مىڭ دوللاردان اسا) دەيىن ءوستى. جاڭا ۇيلەردەگى پاتەرلەر اي ىشىندە شارشى مەترىنە 0,7 پايىزدان 287,1 مىڭ تەڭگەگە دەيىن كوتەرىلدى.
پورتالدىڭ مالىمەتتەرى بويىنشا, جەكە تۇرعىن ۇيلەر ادەپكى باعالارىنا 4,09 پايىزدىق ءوسىم قوستى. بۇل ورتاشا باعانىڭ 66,1 ملن. تەڭگە (432,3 مىڭ دوللار) بولعانىن بىلدىرەدى. جەكە تۇرعىن ءۇي قۇرىلىسى ءۇشىن جەر تەلىمى, باۋ-باقشالىق جەر جانە اۋىل شارۋاشىلىعى القابى اي كولەمىندە ءار سوتىعىنا 4,3 پايىزدان 1,4 ملن. تەڭگەگە دەيىن ءوستى.
بۇل ارالىقتا استاناداعى ءبىر جانە ەكى بولمەلى پاتەرلەردى ايىنا ورتا ەسەپپەن تيىسىنشە 87,9 مىڭ جانە 122,9 مىڭ تەڭگەگە (575 جانە 803 دوللار) جالعا الۋعا بولاتىن ەدى. ءبىرىنشى جاعدايدا اي ىشىندەگى جالدىق ستاۆكا 0,87 پايىزعا وسسە, ەكىنشىسىندە 0,23 پايىزعا كوتەرىلگەن.
ءوز كەزەگىندە الماتىدا قىركۇيەك ايىندا پاتەرلەردىڭ ورتا باعاسى شارشى مەترىنە 300,9 مىڭ تەڭگەنى (1,9 مىڭ دوللار) قۇرادى. قايتالاما رىنوكتاعى تۇرعىنجاي بۇل قالادا اي ىشىندە 0,29 پايىزدان 297,5 مىڭعا (1,9 مىڭ دوللار) دەيىن قىمباتتادى. جىلجىمايتىن م ۇلىكتىڭ ءبىرىنشى رىنوگىنداعى پاتەرلەر (جاڭادان سالىنعان ۇيلەردە) اي كولەمىندە شارشى مەترىنە 3,27 پايىزدان 348,9 مىڭ تەڭگەگە (2,28 مىڭ دوللار) كوتەرىلگەن.
بۇدان باسقا, الماتىدا جەكە تۇرعىن ۇيلەردىڭ ءبىر نىسانى 1,45 پايىزدان 49,7 ملن. تەڭگەگە (325,1 مىڭ دوللار) جەتتى. جەكە قۇرىلىس سالۋ ءۇشىن كەرەكتى جەر تەلىمى, باۋ-باقشالىق ۋچاسكە مەن اۋىل شارۋاشىلىعى تانابى سوتىعىنا 0,22 پايىزدان 1,5 ملن. تەڭگەگە (9,6 مىڭ دوللار) دەيىن باردى.
ءبىر جانە ەكى بولمەلى پاتەرلەر بۇل قالادا ايىنا تيىسىنشە 75,1 جانە 98,4 مىڭ تەڭگەگە (491 جانە 643 دوللار) جالعا بەرىلدى. ءبىرىنشى جاعدايدا جالدىق قۇننىڭ ءوسىمى 0,8 پايىزدى قۇراسا, ەكىنشىسىندە 0,2 پايىزعا تەڭ بولدى.
مۇرات ايتقوجا.
