ءبىر ساعاتقا سوزىلعان تىكەلەي ەفير كەزىندە وبلىستىق پارتيانىڭ رەسمي پاراقشالارى facebook 500-گە جۋىق, ال Instagram-عا 300-دەن استام جەلى قولدانۋشىلارى قوسىلدى. Facebook-كە بارلىعى 113 سۇراق تۇسسە, Instagram-عا 273 سۇراق, ۇسىنىس-پىكىر قالدىرىلدى. تىكەلەي ەفير بارىسىندا ەلۋباي جاقاي ۇلى بارلىعى 143 تۇرعىننىڭ سۇراعىنا تۇشىمدى جاۋاپ بەردى. سونداي-اق ەفيردەن سوڭ قويىلعان سۇراقتار جاۋاپسىز قالمايدى, ال ۇسىنىستار مەن پىكىرلەر مىندەتتى تۇردە ەسكەرىلەتىن بولادى.
سۇراقتاردىڭ دەنى الەۋمەتتىك كومەك الۋشىلار تىزىمىندە بار نەمەسە جوق ەكەندىگىن ءبىلۋ, بەرىلەتىن قارجى نە سەبەپتى تەك اقتاۋ مەن جاڭاوزەن قالالارىنىڭ تۇرعىندارىنا تيەسىلى ەكەندىگى, توتەنشە جاعداي كەزىندە 50 مىڭنان بولەك 42 500 جانە 15 000 تەڭگەنى قالاي الۋعا بولاتىندىعى تۋرالى قويىلدى. الەۋمەتتىك جەلىدەگى تىكەلەي ەفيردى رەسپۋبليكالىق «استانا» تەلەارناسى ءتۇسىردى.
تىكەلەي ەفيردە ەلۋباي ءابىلوۆ «رەسپۋبليكالىق «Birgemiz» قورىنان بولىنگەن قاراجات جەتى سانات بويىنشا 6487 ادامنىڭ شوتىنا اقتاۋ قالاسى بويىنشا 4374, ال جاڭاوزەن قالاسى بويىنشا 2113 ادام 50 000 تەڭگە كولەمىندە قاراجات تولىعىمەن اۋدارىلدى. «Birgemiz» قورىنان جەتى سانات بويىنشا كومەك الدى. ولار: از قامتىلعان كوپ بالالى وتباسىلار, ءى – توپتاعى مۇگەدەكتەر, مۇگەدەك بالانى تاربيەلەپ وتىرعان وتباسىلار, جالعىز باستى زەينەتكەرلەر, جەتىم بالالار (ونىڭ ىشىندە: تۇلدىر جەتىم بالالار مەن اسىراۋشىسىنىڭ بىرىنەن ايىرىلعان بالالار), ۇلى وتان سوعىسىنا قاتىسۋشىلار جانە مۇگەدەكتەر, ولارعا تەڭەستىرىلگەندەر جانە تىل ارداگەرلەرى. «Birgemiz-Mangystau» قوعامدىق قورىنان كومەك الۋشىلاردىڭ تىزىمدەرى جەرگىلىكتى اكىمدىكتەر جاساقتادى. ءار بانكتەن كومەك الۋشىلاردىڭ شوتتارىنىڭ جاعدايى ناقتىلاندى. ارەستكە ءتۇسىپ قالعان شوتتارمەن دەر كەزىندە جۇمىستار جۇرگىزىلدى. ءبىر ادامنىڭ بىرنەشە ساناتتا قايتالانۋىن بولدىرماۋ ماقساتىندا بارلىق ساناتتار بويىنشا ادامداردىڭ اتى-جوندەرى مۇقيات تەكسەرۋدەن ءوتتى. تىزىمگە الىنعان ادامداردىڭ اقشا اۋدارۋ كەزەڭىندە قايتىس بولىپ كەتۋ جاعدايلارى بولۋ – بولماۋ ماسەلەسىنە وراي كۇندەلىكتى زەينەتاقى تولەۋ مەملەكەتتىك ورتالىعىنىڭ بازاسىمەن كۇندە اقپارات الماسۋ جۇمىستارى جۇرگىزىلدى. 50 000 تەڭگە ماسەلەسىمەن بايلانىسقا شىققان تۇرعىندارعا پارتيا فيليالى قىزمەتكەرلەرى ناقتى ءتۇسىندىرىپ, جاۋاپ بەرىلۋدە», - دەدى.
سونىمەن قاتار ەلباسى, «Nur Otan» پارتياسىنىڭ توراعاسى نۇرسۇلتان نازارباەۆتىڭ تاپسىرماسى بويىنشا, «كەدەرگىسىز كەلەشەك», «باقىتتى وتباسى» جانە «ارداگەرلەردى ارداقتايىق» پارتيالىق جوبالارى اياسىندا مەتسەناتتار, كاسىپكەرلەر مەن بەلسەندى ازاماتتاردىڭ قولداۋىنىڭ ارقاسىندا بۇگىنگە دەيىن 2704 وتباسىعا (35 108 650 تەڭگە كولەمىندە), ءبىرىنشى كەزەكتەگى ازىق-ت ۇلىك سەبەت پەن مەديتسينالىق ماسكالار, انتيسەپتيكالىق قۇرالدار ساتىپ الىندى. الەۋمەتتىك كومەكتى پارتيالىقتار مەن «Jas Otan» ۆولونتەرلارى ارقىلى حالىقتىڭ تۇرمىسى تومەن الەۋمەتتىك توبىنا بايلانىسسىز تاراتۋ جولىمەن بەرىلدى. سونىمەن قاتار «Nur Otan» پارتياسى ماڭعىستاۋ وبلىستىق فيليالىنىڭ قىزمەتكەرلەرى وزدەرىنىڭ ءبىر كۇندىك جالاقىلارىن اۋدارعانى تۋرالى وبلىستىق پارتيانىڭ ءبىرىنشى ورىنباسارى ايتتى.
«Birgemiz» رەسپۋبليكالىق اكتسياسى باستالعالى الەۋمەتتىك جەلىلەردە اقپاراتتار تۇراقتى جاريالانىپ وتىر. سونىمەن قاتار جەرگىلىكتى بۇقارالىق اقپارات قۇرالدارى (تەلەارنا, راديو, گازەتتەرىندە) تۇرعىنداردى قۇلاقتاندىرۋ ماقساتىندا سيۋجەت, ماقالا, سۇقباتتار بەرىلۋدە. ماڭعىستاۋ وبلىستىق تەلەارناسىنداعى ءبىر ساعات تىكەلەي ەفيردە وتكەن «مامىلە» حابارىنا «Birgemiz-Mangystau» وڭىرلىك قورىنىڭ قۇرىلتايشىسى ايات سۇگىرباي قاتىسىپ, تۇرعىندارعا قور تۋرالى اقپارات بەردى. سونىمەن قاتار «Nur Otan» پارتياسى ماڭعىستاۋ وبلىستىق فيليالىنىڭ قوعامدىق قابىلداۋ بولمەسىنىڭ مەڭگەرۋشىسى مۇحامبەت جايلىباەۆ «جول بايان» راديوسىنا «قوعام تىنىسى» باعدارلاماسىنا قاتىسىپ, تۇرعىنداردىڭ كوكەيىندە جۇرگەن سۇراقتارعا ناقتى جاۋاپ بەردى.
«Birgemiz-Mangystau» قوعامدىق قورىنىڭ الەۋمەتتىك جەلىلەردە (فەيسبۋك, ينستارگامم) پاراقشالارى جانە سايتى اشىلدى.
تىكەلەي ەفيردە ەلۋباي جاقاي ۇلى رەسپۋبليكالىق «Birgemiz» قورىنان بەرىلىپ جاتىرعان 50 000 تەڭگە بويىنشا الەۋمەتتىك جەلىلەر (فەيسبۋك, ينستاگرام پاراقشالارىنا) جانە بايلانىس تەلەفونى, ۋاتساپقا تۇرعىنداردان وبلىس بويىنشا كۇنىنە 100-دەن استام وتىنىشتەر كەلىپ تۇسەتىنىن, پارتيا تاراپىنان وتىنىشتەر جەدەل قارالىپ, كومەك كورسەتىلەتىنىن ايتتى.
ماڭعىستاۋ وبلىسى
