قازاقستان رەسپۋبليكاسىنىڭ تايلاند كورولدىگىندەگى ەلشىسى مارات ەسەنباەۆ تايلاند كورولدىگى پارلامەنتىنىڭ وكىلدەر پالاتاسى حالىقارالىق ماسەلەلەر جونىندەگى كوميتەتىنىڭ توراعاسى سۋناي چۋلپونگساتورنمەن كەزدەستى. كەزدەسۋ بارىسىندا پارلامەنتارالىق قازاقستان-تايلاند ىنتىماقتاستىق ماسەلەلەرى تالقىلاندى, دەپ حابارلادى قر ءسىم-ءىنىڭ ءباسپاسوز قىزمەتى.
قازاقستان رەسپۋبليكاسىنىڭ تايلاند كورولدىگىندەگى ەلشىسى مارات ەسەنباەۆ تايلاند كورولدىگى پارلامەنتىنىڭ وكىلدەر پالاتاسى حالىقارالىق ماسەلەلەر جونىندەگى كوميتەتىنىڭ توراعاسى سۋناي چۋلپونگساتورنمەن كەزدەستى. كەزدەسۋ بارىسىندا پارلامەنتارالىق قازاقستان-تايلاند ىنتىماقتاستىق ماسەلەلەرى تالقىلاندى, دەپ حابارلادى قر ءسىم-ءىنىڭ ءباسپاسوز قىزمەتى.
م.ەسەنباەۆ قازاقستاننىڭ قازىرگى كەزەڭدەگى ەكونوميكالىق دامۋى, ەكىجاقتى ىنتىماقتاستىق, ساۋدا مەن تۋريزم سالالارىنداعى جاعدايىمەن تانىستىردى. سۇحبات بارىسىندا حالىقارالىق قاۋىپسىزدىك پەن يادرولىق تاراتپاۋ ماسەلەلەرىنە ەرەكشە كوڭىل ءبولىندى. قازاقستاندىق ديپلومات س.چۋلپونگساتورننىڭ استانا قالاسىندا وتكەن «يادرولىق سىناقتارعا تىيىم سالۋدان – يادرولىق قارۋسىز الەمگە» اتتى كونفەرەنتسياعا قاتىسقانىن اتاپ ءوتتى (استانا, 2012 جىل).
تاي تاراپى حالىقارالىق «اتوم» (Abolish Testing. Our Mission) جوباسىمەن تانىستىرىلىپ, ول الەمنىڭ ءار اۋماقتارىندا قولداۋ تاۋىپ وتىرعانىن اتاپ ءوتتى. قازاقستاندىق ديپلومات كوميتەت توراعاسىن بانگكوك قالاسىندا قازان ايىندا وتەتىن «اتوم جوباسى» تۇساۋكەسەرىنە قاتىسۋعا شاقىردى.
