قازاقستان رەسپۋبليكاسى پرەزيدەنتىنىڭ 2020 جىلعى 8 ساۋىردەگى № 299 «2020 جىلعا ارنالعان ناقتىلانعان رەسپۋبليكالىق بيۋدجەت تۋرالى» جارلىعىنا سايكەس جاردەماقىلاردى جانە وزگە دە الەۋمەتتiك تولەمدەردi ەسەپتەۋ, سونداي-اق قازاقستان رەسپۋبليكاسىنىڭ زاڭناماسىنا سايكەس ايىپپۇل سانكتسيالارىن, سالىقتاردى جانە باسقا دا تولەمدەردi قولدانۋ ءۇشiن ايلىق ەسەپتiك كورسەتكiش (اەك):
- 2020 جىلعى 1 قاڭتارىنان باستاپ – 2 651 تەڭگە;
- 2020 جىلعى 1 ساۋىردەن باستاپ – 2 778 تەڭگە بولىپ بەلگىلەنگەن.
كولىك قۇرالدارىنا سالىناتىن سالىق بويىنشا
سالىق كودەكسىنىڭ 492-بابىنىڭ 3-تارماعىنا سايكەس سالىقتى ەسەپتەۋ ءۇشىن رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىنا قولدانىستا بولاتىن اەك قولدانىلادى.
وسىلايشا, 2020 جىلعا كولىك قۇرالدارى سالىعىن ەسەپتەۋ ءۇشىن 2020 جىلدىڭ 1 قاڭتارىنا قولدانىستا بولاتىن اەك قولدانىلادى, ياعني 2 651 تەڭگە.
الىمدار, تولەماقىلار جانە بيۋدجەتكە تولەنەتىن باسقا دا مىندەتتى تولەمدەر بويىنشا
سالىق كودەكسىنىڭ 553, 557, 582 جانە 609-باپتارىنا سايكەس تىركەۋ الىمدارى, جەكەلەگەن قىزمەت تۇرلەرىمەن اينالىسۋعا ليتسەنزيالاردى پايدالانعانى ءۇشىن تولەماقى, جانۋارلار دۇنيەسىن پايدالانعانى ءۇشىن تولەماقى جانە مەملەكەتتىك باج مولشەرلەمەلەرى رەسپۋبليكالىق بيۋدجەت تۋرالى زاڭدا بەلگىلەنگەن جانە وسىنداي الىمداردى تولەۋ كۇنىنە قولدانىستا بولاتىن اەك-ءتىڭ ەسەلەنگەن مولشەردە ايقىندالادى.
وسىلايشا, 2020 جىلعا الىمداردى, جەكەلەگەن قىزمەت تۇرلەرىمەن اينالىسۋعا ليتسەنزيالاردى پايدالانعانى ءۇشىن تولەماقىنى, جانۋارلار دۇنيەسiن پايدالانعانى ءۇشiن تولەماقىنى جانە مەملەكەتتiك باجدى ەسەپتەۋ ءۇشىن:
2020 جىلدىڭ 1 ساۋىرىنە دەيىن تولەنگەن جاعدايدا – 2020 جىلعى 1 قاڭتارىنان باستاپ قولدانىستا بولعان اەك (2 651 تەڭگە);
2020 جىلدىڭ 1 ساۋىرىندە جانە كەيىن تولەنگەن جاعدايدا – 2020 جىلعى 1 ساۋىردەن باستاپ قولدانىستا بولاتىن اەك (2 778تەڭگە) قولدانىلادى.
ارناۋلى سالىق رەجيمiن قولدانۋ بويىنشا
سالىق كودەكسىنىڭ 683-بابىنىڭ 2-تارماعىنا سايكەس شاعىن بيزنەس سۋبەكتىلەرىنە ارنالعان اسر مىناداي تالاپتارعا سايكەس كەلەتىن:
پاتەنت نەگىزىندە – رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىنا قولدانىستا بولاتىن اەك-ءتىڭ 3 528 ەسەلەنگەن مولشەرىنەن;
وڭايلاتىلعان دەكلاراتسيا نەگىزىندە – رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىنا قولدانىستا بولاتىن اەك-ءتىڭ 24 038 ەسەلەنگەن مولشەرىنەن;
تىركەلگەن شەگەرىمدى پايدالانۋمەن – رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىنا قولدانىستا بولاتىن اەك-ءتىڭ 144 184 ەسەلەنگەن مولشەرىنەن اسپايتىن.
وسىلايشا, شاعىن بيزنەس سۋبەكتىلەرى ءۇشىن اسر قولدانۋ ماقساتتارى ءۇشىن شەكتى تابىس 2020 جىلدىڭ 1 قاڭتارىندا قولدانىستا بولاتىن اەك, ياعني 2 651 تەڭگە قولدانىلادى.
بىرىڭعاي جيىنتىق تولەم بويىنشا (بجت):
سالىق كودەكسىنىڭ 774-بابىنىڭ 2-تارماعىنا سايكەس بجت تولەۋشىنىڭ وسى باپتىڭ 1-تارماعىنىڭ 3) تارماقشاسىندا كورسەتiلگەن قىزمەت تۇرلەرىن جۇزەگە اسىرۋ ناتيجەسىندە الاتىن كىرىسىنىڭ كۇنتiزبەلiك جىلداعى مولشەرى رەسپۋبليكالىق بيۋدجەت تۋرالى زاڭدا بەلگiلەنگەن جانە تيiستi قارجى جىلىنىڭ 1 قاڭتارىنا قولدانىستا بولاتىن اەك-ءتىڭ 1175 ەسەلەنگەن مولشەرىنەن اسپاۋعا تيiس.
ماسەلەن, بجت تولەۋشىنىڭ شەكتى تابىسىن ەسەپتەۋ ءۇشىن 2020 جىلدىڭ 1 قاڭتارىنا قولدانىستاعى اەك قولدانىلادى, ياعني 2 651 تەڭگە (2020 جىلعا شەكتى تابىستىڭ مولشەرى - 3 114 925 تەڭگە).
سونىمەن بىرگە, سالىق كودەكسىنىڭ 775-بابىنىڭ 2-تارماعىنا سايكەس ءبىر ايداعى بجت سوماسى رەسپۋبليكالىق جانە وبلىستىق ماڭىزى بار قالالاردا, استانادا – اەك-ءتىڭ 1 ەسەلەنگەن مولشەرىن جانە باسقا ەلدى مەكەندەردە اەك-ءتىڭ 0,5 ەسەلەنگەن مولشەرىن قۇرايدى.
بۇل رەتتە رەسپۋبليكالىق بيۋدجەت تۋرالى زاڭدا بەلگىلەنگەن جانە ءتيىستى قارجى جىلىنىڭ 1 قاڭتارىندا قولدانىستا بولعان اەك مولشەرى قولدانىلادى.
وسىلايشا, بجت سوماسى ءبىر اي ءۇشىن قالا تۇرعىندارى ءۇشىن 1 اەك نەمەسە 2 651 تەڭگە قۇرايدى, اۋىل تۇرعىندارى ءۇشىن - 0,5 اەك نەمەسە 1 326 تەڭگە.
ويىن بيزنەسى سالىعى بويىنشا
سالىق كودەكسىنىڭ 536-بابىنىڭ 2-تارماعىنا سايكەس سالىق مولشەرلەمەلەرى رەسپۋبليكالىق بيۋدجەت تۋرالى زاڭدا بەلگىلەنگەن جانە سالىقتىق كەزەڭنىڭ 1-كۇنى قولدانىستا بولاتىن اەك مولشەرى نەگىزگە الىنا وتىرىپ ايقىندالادى.
جوعارىدا ايتىلعانداردى ەسكەرە وتىرىپ, سالىق كودەكسىنىڭ 537-بابىنا سايكەس ويىن بيزنەسى سالىعى بويىنشا سالىق كەزەڭى كۇنتىزبەلىك توقسانعا تەڭ, وندا اعىمداعى جىلدىڭ ەكىنشى توقسانىنان باستاپ ويىن بيزنەس سالىعىنىڭ سوماسىن ايقىنداۋ كەزىندە 2 778 تەڭگە مولشەرىندەگى اەك قولدانىلادى.
