قازاقستان رەسپۋبليكاسىنداعى ادام قۇقىقتارى ءجونىندەگى ۋاكىل اسقار شاكىروۆ يتاليا رەسپۋبليكاسى پارلامەنتى سەناتىنىڭ ءبىر توپ دەپۋتاتتارىمەن كەزدەستى.
كەزدەسۋ بارىسىندا قۇقىق قورعاۋ تاقىرىپتاماسىمەن, ادام قۇقىقتارى مەن بوستاندىقتارىن قورعاۋ سالاسىنداعى زاڭ شىعارۋشىلىق ۇدەرىسىنىڭ دامۋىمەن بايلانىستى ماسەلەلەر كەشەنىنىڭ كەڭ اۋقىمى تالقىلاندى.
يتاليالىق پارلامەنتاريلەر ەلدەگى ادام قۇقىقتارىمەن بايلانىستى قالىپتاسقان احۋالمەن, قازاقستاندىق ومبۋدسمەن مەكەمەسى قىزمەتىنىڭ نەگىزگى باعىتتارىمەن تانىستى.
سونداي-اق, قازاقستان رەسپۋبليكاسىندا كودەكستەردىڭ جاڭاشا ازىرلەنگەن رەداكتسيالارى شەڭبەرىندە قىلمىستىق, قىلمىستىق-ءىس جۇرگىزۋ مەن قىلمىستىق-اتقارۋ زاڭناماسىن ىزگىلەندىرۋ ماسەلەلەرى قوزعالدى. ولار جوعارىدا اتالعان قۇقىق سالالارىنداعى نورمالاردى رەگلامەنتتەيتىن بولادى.
كەزدەسۋ قورىتىندىسى بويىنشا تاراپتار حالىقارالىق قۇقىق قورعاۋ ستاندارتتارىن ىسكە اسىرۋ سالاسىنداعى ءوزارا ارەكەتتەسۋدىڭ ماڭىزدىلىعىن اتاپ ءوتتى.
«ەگەمەن-اقپارات».
