«Nur Otan» پارتياسىنىڭ شىعىس قازاقستان وبلىستىق فيليالى ءوڭىر تۇرعىندارىنىڭ سۇراقتارىنا جاۋاپ بەرۋ ءۇشىن تىكەلەي ەفير ۇيىمداستىردى. پارتيا فيليالىنىڭ فەيسبۋك جانە ينستاگرامم الەۋمەتتىك جەلىلەرىندەگى رەسمي پاراقشالارىندا ەلىمىزدەگى توتەنشە جاعدايعا بايلانىستى ازاماتتارعا مەملەكەت جانە وبلىس اكىمدىگى تاراپىنان كورسەتىلىپ جاتقان كومەكتەر مەن پارتيانىڭ ء«بىز بىرگەمىز!» اكتسياسى تۋرالى اقپارات بەرىلدى.
تىكەلەي ەفيردى 200-دەن استام ادام كورىپ, تۇرعىندار تاراپىنان 100 استام سۇراق كەلىپ ءتۇستى. تۇرعىنداردىڭ وتىنىشتەرى نازارعا الىنىپ, باسىم كوپشىلىگىنە ناقتى جاۋاپ بەرىلدى. اسىرەسە, 42 500 تەڭگەنى الۋ, الەۋمەتتىك كومەكتەرگە قاتىستى سۇراقتار كوپ بولدى. سونىمەن قاتار «Birgemiz» قوعامدىق قورىنان بەرىلەتىن 50 مىڭ تەڭگە كولەمىندەگى ءبىر جولعى ماتەريالدىق كومەككە بايلانىستى سۇراقتار دا كوپتەپ قويىلدى.
تىكەلەي ەفير بارىسىندا «Nur Otan» پارتياسى شىعىس قازاقستان وبلىستىق فيليالى توراعاسىنىڭ ءبىرىنشى ورىنباسارى ولەگ چۋگۋنكوۆ قويىلعان ءار ساۋالعا ناقتى جاۋاپ بەرىپ, كەيبىر ماڭىزدى سۇراقتاردى ءوزىنىڭ جەكە باقىلاۋىنا الدى.
سۇراقتاردىڭ باسىم بولىگى مەملەكەت تاراپىنان بەرىلەتىن الۋەمەتتىك كومەكتەر, 42500 جاردەماقىسى جانە 15000 كوممۋنالدىق تولەم اقى, ء«بىز بىرگەمىز!» اكتسياسى اياسىنداعى ازىق-ت ۇلىك جانە 50 مىڭ تەڭگە ماتەريالدىق كومەكتەر تۋرالى بولدى.
جالپى «Nur Otan» پارتياسىنىڭ ء«بىز بىرگەمىز!» اكتسياسى شىعىس قازاقستان وبلىسى بويىنشا 2115 وتباسىنا ازىق-ت ۇلىك جەتكىزگەن. بۇل رەتتە ءوڭىردىڭ كاسىپكەرلەرى مەن ءماسليحات دەپۋتاتتارى, ەرىكتى جاستار, اۋدان اكىمدىكتەرى, «جاسوتاندىقتار» جانە پارتيا وكىلدەرى ايرىقشا بەلسەندىلىك تانىتى.
ەلباسى, «Nur Otan» پارتياسىنىڭ توراعاسى نۇرسۇلتان نازارباەۆتىڭ باستاماسىمەن قۇرىلعان «Birgemiz» قوعامدىق قورى ارقىلى شىعىس قازاقستان وبلىسىنىڭ وسكەمەن جانە سەمەي قالالارىنىڭ 12419 تۇرعىنى 50 مىڭ تەڭگەدەن ماتەريالدىق كومەك الدى.
«ەلىمىزدەگى توتەنشە جاعدايعا بايلانىستى پارتيانىڭ وبلىستىق فيليالى تۇرعىنداردىڭ ارىز شاعىمدارىن ونلاين قابىلداۋدا. 16 ناۋرىزدان 24 ءساۋىر ارالىعىندا وبلىستىق فيليالدىڭ قوعامدىق قابىلداۋ بولىمىنە 1104 ءوتىنىش تۇسسە, 905 ءوتىنىش وڭ شەشىمىن تاپتى. قالعان 100-دەن استام وتىنىشتەر بويىنشا كەڭەستەر بەرىلدى. الداعى ۋاقىتتا دا ازاماتتاردىڭ سۇراقتارىنا جاۋاپ بەرۋ ماقساتىندا الەۋمەتتىك جەلىلەردە تىكەلەي ەفير ۇيىمداستىرىلاتىن بولادى. تىكەلەي ەفير كەزىندە ەلەنا ارسەن ەسىمدى جەلى قولدانۋشىسى ءوزىنىڭ «Birgemiz» قوعامدىق قورىنان 50 مىڭ تەڭگە كومەك العاندىعىن ايتىپ, العىسىن ءبىلدىردى» دەيدى فيليالدىڭ ءباسپاسوز حاتشىسى تاتتىمبەك اسحان.
وسكەمەن
