ء«وتىنىمنىڭ كەزەڭدەردىڭ بىرىندە تۇرىپ قالۋى ماسەلەسى تولىقتاي شەشىلدى. بۇعان قاتىستى ساۋالدىڭ مۇلدەم از ەكەندىگىن كورىپ وتىرمىن. ءاربىر جاعدايدى قايتا تەكسەرىپ شىعامىز», - دەپ جازدى ۆيتسە-مينيستر Instagram پاراقشاسىندا.
وسى رەتتە ول بىرنەشە ماسەلەگە جەكە-جەكە توقتالدى. ءبىرىنشىسى - تولەم تاعايىندالعانىنا ءبىر اپتادان استام ۋاقىت وتكەنىمەن, قاراجات كومەك الۋشىنىڭ ەسەپشوتىنا تۇسپەۋى.
«بۇعان دەيىن ايتقانىمداي, اقشا ءىس جۇزىندە ءبىر كۇننىڭ ىشىندە جىبەرىلەدى. بىراق, ەسەپشوت قاتە كورسەتىلگەن جايتتار بولىپ تۇرادى. كوپشىلىگى: «مەن ءبارىن دۇرىس كورسەتتىم» دەيدى. الايدا اقشا جىبەرىلگەننەن كەيىن بانك كەرى قايتارىپ جىبەرگەن نەمەسە ءوزىمىز بايقاپ قالعان شامامەن 930 مىڭ ءوتىنىم ەسەپشوتى قاتە (20 سيمۆولدان از جانە ت.ب.) كورسەتىلگەن.
سونىمەن, نەلىكتەن ىركىلىس ورىن الادى؟ پروتسەسس كەلەسىدەي:
1) ءبىز اقشانى ءسىزدىڭ بانكتەگى ەسەپشوتىڭىزعا (1 كۇن) اۋدارامىز.
2) بانك تەكسەرىپ, ەسەپشوت قاتە بولعاندا اقشانى كەرى قايتارادى (1 كۇن).
3) ءبىز ءوزىمىزدىڭ بازامىزدان اقشانى اۋدارۋ ءۇشىن ءوتىنىم بەرۋشىنىڭ باسقا قولدانىستاعى ەسەپشوتىن ىزدەيمىز. ماسەلەن, ءسىز باسقا تولەم الۋىڭىز مۇمكىن. مۇنى ءسىزدى بارىنشا مازالاماۋ ءۇشىن جاسايمىز. شامامەن 900 مىڭىن تاپتىق (1 كۇن).
4) ەگەر تاپساق, اقشانى قايتا جىبەرەمىز (1 كۇن). كەيدە ادامداردىڭ باسقا ەسەپشوتقا ءتۇستى دەۋىنىڭ سەبەبى وسىندا. اقشا جوق دەپ ايتپاستان بۇرىن بارلىق ەسەپشوتتارىڭىزدى تەكسەرىپ الۋدى وتىنەمىن.
5) ەگەر تاپپاساق, سمس جىبەرەمىز (كەشە مۇنداي 28 مىڭ سمس جىبەردىك). وعان جاۋاپ رەتىندە ەسەپشوت ءنومىرىن جىبەرۋ قاجەت (1 كۇن).
مۇنان ارى ءسىزدىڭ ەسەپشوتتى قاشان بەرگەنىڭىزگە بايلانىستى. وزدەرىڭىز كورىپ وتىرعانداي, پروتسەسس ءبىر كۇننەن كوپ ۋاقىتتى الادى. بىراق, بۇل تولەم اۋدارۋدا پروبلەما ورىن العان جايتتاردا عانا», - دەدى ول.
وسى رەتتە ۆيتسە-مينيستر كەز كەلگەن قىزمەتتەگىدەي ءبىر نارسە انىقتاۋ قاجەت بولسا, وندا ول قوسىمشا ۋاقىتتى الاتىندىعىن باسا ايتادى.
«بۇگىنگى كۇنى تولەم جاساۋعا 4 197 336 ءوتىنىم قويىلدى. ونىڭ ىشىندە 4 126 155 ازاماتقا تولەم جىبەرىلدى. قالعان 71 181 ءوتىنىش بويىنشا ازاماتتاردىڭ ەسەپشوتىنا قاراجاتتى دەر ۋاقىتىندا اۋدارۋ ماقساتىندا جۇمىس جۇرگىزىلىپ جاتىر. بۇعان دەيىن تولەنگەن تولەمدەر بويىنشا بانكتەرمەن قوسىمشا تەكسەرۋ جۇرگىزىلۋدە. ءبىز بۇل جاعدايدى كۇندەلىكتى مونيتورينگىلەپ وتىرمىز جانە قاجەت بولعاندا بانكتەرمەن جانە پروتسەسسكە جۇمىلدىرىلعان وزگە دە ۇيىمدارمەن بىردەن جۇمىس ىستەيمىز», - دەدى ناريمان مۇقىشەۆ.
