امەريكا عالىمدارى زەرتتەۋ ناتيجەسى بويىنشا ەكى قاباتتاپ قولدان تىگىلگەن ماسكالاردىڭ اەروزول بولشەكتەرىنىڭ 80-99%-ىنا توسقاۋىل بولاتىنىنا كوز جەتكىزگەن. ولار اقش-تىڭ مەديتسينا قىزمەتكەرلەرىنە ۇسىنىلاتىن N95 رەسپيراتورلارىنان تيىمدىلىگى جاعىنان كەم تۇسپەيدى دەگەن قورىتىندىعا كەلدى.
زەرتتەۋشىلەر اۋادا سۇيىقتىق پەن قاتتى زاتتاردىڭ بولشەكتەرىن شاشىراتاتىن ارنايى اەروزول قوندىرعىسىن ازىرلەدى. وسىلايشا ولار قاي ماسكانىڭ زياندى بولشەكتەردى جاقسى ۇستاپ قالاتىنىن باقىلاعان. ەڭ ناشار قورعانىس دەڭگەيى ءبىر قاباتتى ماسكالاردا ەكەنى انىقتالدى.
سونداي-اق زەرتتەۋشىلەر ماسكانىڭ بەتكە ىڭعايلى ءارى جاناسىپ تۇرۋىنىڭ, ەشقانداي جىرتىلعان جەرىنىڭ بولماۋى ماڭىزدى ەكەنىن ەرەكشە اتاپ ءوتتى. ولاي بولماعان جاعدايدا, ماسكانىڭ كومەگى كەم دەگەندە ەكى ەسەگە ازايادى.
