اكىمنىڭ الەۋمەتتىك جەلىدەگى تىكەلەي ەفيرى ەكى ساعاتقا سوزىلدى. 500-دەن استام ادام ساۋالدارىنا جاۋاپ الدى. اۋدان باسشىسىنا قويىلعان سۇراقتىڭ باسىم بولىگى كوروناۆيرۋستىڭ تارالۋىنا الاڭداۋشىلىق تانىتقان تۇرعىنداردان جولداندى. دىلدابەك ءتاجىباي ۇلى ءوز كەزەگىندە ءار ساۋالعا تولىققاندى جاۋاپ بەرىپ, ايماقتا ىندەتتىڭ الدىن الۋ جۇمىستارى ۋاقىتىلى جۇرگىزىلىپ جاتقاندىقتان الاڭداۋعا نەگىز جوق ەكەنىن جەتكىزدى. تۇرعىنداردى توتەنشە جاعدايدىڭ تارتىبىنە جاۋاپكەرشىلىكپەن قاراپ, ساقتىق شارالارىنا مۇقيات بولۋعا شاقىردى.
سونداي-اق, اكىمگە كوكتەمگى ەگىس ناۋقانىنىڭ كەدەرگىسىز ءجۇرۋىن نازارعا الساڭىز دەپ ءوتىنىش بىلدىرگەن فەرمەرلەردەن باستاپ, الەۋمەتتىك سيپاتتاعى سۋمەن قامتاماسىز ەتۋ, جول جوندەۋ, قالانى اباتتاندىرۋ ماسەلەلەرىن كوتەرگەن ازاماتتار دا ءوز پىكىرلەرىن ايتتى. تەحنولوگيانىڭ جاڭاشىل مۇمكىندىگىن پايدالانىپ ارنايى ۋاقىت ءبولىپ, ازاماتتاردىڭ ساۋالدارى مەن وتىنىشتەرىنە قۇلاق تۇرگەن اۋدان باسشىسىنا العىس بىلدىرگەندەر دە بولدى.
الەۋمەتتىك جەلىنىڭ تىكەلەي ەفيرىن ءتيىمدى پايدالانعان اكىم: «جاھاندى جاۋلاعان پاندەميانىڭ الدىن الۋ ءۇشىن ەلدە ەنگىزىلگەن توتەنشە جاعداي سالدارىنان ازاماتتاردى تەت-ا-تەت فورماتىندا قابىلداۋ مۇمكىن بولماي تۇر. سوندىقتان تىكەلەي ەفير-تۇرعىندارعا جينالعان سۇراقتارعا جاۋاپ بەرۋدىڭ تاماشا مۇمكىندىگى. وسىنداي ونلاين-كەزدەسۋلەر كارانتيندىك شەكتەۋلەردىڭ قولدانىلۋ مەرزىمىنىڭ سوڭىنا دەيىن جالعاسادى» دەپ مالىمدەدى دىلدابەك ورازباەۆ.
اياگوز اۋدانىنىڭ اكىمى ەكى ساعاتتىق ونلاين-كەزدەسۋدى قورىتىندىلاي كەلە, بارشا مۇسىلمان قاۋىمدى ورازا ايىنىڭ باستالۋىمەن قۇتتىقتاپ, جەرلەستەرىنە بەيبىتشىلىك پەن بەرەكە تىلەدى.
