كەشە تىكەلەي ەفيردە ارنايى ۇيىمداستىرىلعان بريفينگ بارىسىندا قاراعاندى وبلىسى اكىمىنىڭ ورىنباسارى ابزال نۇكەنوۆ وبلىس تۇرعىندارى ءۇشىن 42 500 تەڭگە كولەمىندەگى الەۋمەتتىك تولەمنىڭ توڭىرەگىندەگى كەيبىر تۇسىنىكسىز جايتتارعا قاتىستى سۇراقتارعا ەگجەي-تەگجەيلى جاۋاپ بەردى.
– توتەنشە جاعداي كەزىندە تابىسىنان ايىرىلعان مىندەتتى الەۋمەتتىك مەديتسينالىق ساقتاندىرۋ جۇيەسىنىڭ قاتىسۋشىلارىنا 42 500 تەڭگە كولەمىندە تولەمدەر تاعايىنداۋ بۇگىنگى كۇندە ەڭ وزەكتى ماسەلەلەردىڭ ءبىرى بولىپ وتىر. كوپتەگەن سۇراقتار الدىمىزدان شىعىپ جاتىر. ءساۋىردىڭ 24-نە دەيىنگى مالىمەتتەرگە ساي, قاراعاندى وبلىسى تۇرعىندارىنان 475 587 ءوتىنىش كەلىپ تۇسكەن. بۇل از سان ەمەس. ايتا كەتەتىن جايت, وتىنىشتەردىڭ ىشىندە 202 842 قۇجات ءتۇرلى سەبەپتەرگە بايلانىستى قابىلدانبادى. ال 244 541 تۇرعىنعا تولەم تاعايىندالدى, – دەدى ابزال نۇكەنوۆ.
جالپى, الەۋمەتتىك تولەمدەر التى سانات بويىنشا تاعايىندالىپ جاتىر. بىراق, مەملەكەتتىك قىزمەتشىلەر بۇل تىزىمگە ەنبەگەن. وسى رەتتە وبلىس اكىمىنىڭ ورىنباسارى كومەكتىڭ تەك توتەنشە جاعداي رەجيمىنە بايلانىستى جۇمىسىنان ايىرىلعان جانە تابىسىنان قاعىلعان ازاماتتارعا عانا كورسەتىلەتىنىن اتاپ ءوتتى.
بريفينگتە ابزال نۇكەنوۆ وتىنىشتەرى قابىلدانباعاندارعا, ياعني ارمانداعان 42 500 تەڭگە تولەمگە قول جەتكىزە الماعاندارعا قاراتا مىناداي مالىمدەمە جاسادى.
– كەيبىرەۋلەر ءوزىنىڭ ءوتىنىمى نەگىزسىز قابىلدانبادى دەپ سانايدى. بىرەۋلەردىڭ ءوتىنىشى ەكى جەردە جۇمىس ىستەگەندىكتەرىنە بايلانىستى قابىلدانعان جوق. بارلىق تۋىنداعان ماسەلەلەر بويىنشا تالداۋ جۇرگىزىپ, زەرتتەپ جاتىرمىز. كۇن سايىن ەڭبەك جانە الەۋمەتتىك قورعاۋ مينيسترلىگىمەن حابارلاسىپ, كەڭەسىپ وتىرمىز. ەلىمىزدىڭ ۆيتسە-پرەمەرى ەرالى توعجانوۆ بارلىق قابىلدانباعان وتىنىمدەر بويىنشا قايتا تەكسەرۋ جۇرگىزۋ كەرەكتىگىن تاپسىردى. ياعني, نەگىزسىز تاعايىندالماعان تولەمدەر بويىنشا ءتيىستى شەشىم قابىلداناتىن بولادى. بۇل باعىتتا جۇمىستار جۇرگىزىلۋدە. ءار ادامدى جەكەلەي الىپ زەرتتەيتىن بولامىز, – دەپ سەندىردى ابزال نۇكەنوۆ.
بريفينگتىڭ سوڭىنا تامان وبلىس اكىمىنىڭ ورىنباسارى قاتەلىكپەن تاعايىندالىپ كەتكەن الەۋمەتتىك تولەمدى ءوز ەرىكتەرىمەن قايتارىپ بەرگەن سانالى ازاماتتارعا العىسىن جەتكىزدى.
– بۇل ازاماتتىق جاۋاپكەرشىلىك. ادامداردىڭ وسى قاراجاتتىڭ باسقا بىرەۋلەرگە الدەقايدا قاجەت ەكەنىن تۇسىنگەن ازاماتتىقتارىنا ءدان ريزا بولاسىڭ, – دەپ اتاپ ءوتتى ول.
الەۋمەتتىك تولەم ماسەلەلەرى بويىنشا جۇمىسپەن قامتۋدى ۇيلەستىرۋ جانە الەۋمەتتىك باعدارلامالار بولىمدەرىنە تەلەفون ارقىلى نەمەسە ەلەكتروندىق پوشتا ارقىلى حابارلاسۋدى وتىنگەن ابزال نۇكەنوۆ ءوزىنىڭ قابىلداۋ بولمەسىندەگى تەلەفون نومەرىن دە كوپشىلىككە ۇسىندى.
ءسوزىنىڭ سوڭىندا وبلىس اكىمىنىڭ ورىنباسارى جۇمىس بەرۋشىلەرگە ءوز قىزمەتكەرلەرىن دالاعا تاستاماي, قولدان كەلگەنشە ولارعا دەمەۋ جاساپ وتىرۋعا شاقىردى.
قاراعاندى وبلىسى
