اتالمىش شارالار قازاقتىڭ ۇلى ويشىلىنىڭ 175 جىلدىعىن تويلاۋ اياسىندا #اباي175, #1مامىر #Birlikkuni, #BizBirgemiz حەشتەگتەرى بويىنشا وتەدى.
ەستەرىڭىزگە سالا كەتسەك, وزبەك ەتنومادەني ورتالىعىنىڭ وكىلدەرى العاش بولىپ چەللەندجگە قولداۋ ءبىلدىردى. ولار ابايدىڭ «كوزىمنىڭ قاراسى» ءانىن قازاق تىلىندە وزبەك ۇلتتىق مۋزىكالىق اسپابى رۋبوبتىڭ سۇيەمەلدەۋىمەن ورىندادى.
كەيىن ەۆرەي, قىرعىز, نەمىس جانە سلاۆيان ەتنومادەني ورتالىقتارى دا چەللەندجدى قولداپ, ابايدىڭ بەلگىلى ءانىن سلاۆيان پريما دومراسىنىڭ, قىرعىز قومىزىنىڭ سۇيەمەلدەۋىمەن ورىندالدى.
دومرا – ورىس, ۋكراين جانە بەلورۋس حالىقتارىنىڭ ىشەكتى مۋزىكالىق اسپابى. اسپاپتى XVI-XVII عاسىرلاردا رەسەيلىك ونەرپازدار كەڭىنەن قولدانىپ, 1896 جىلدان باستاپ قازىرگى زامانعى دومرانىڭ كورىنىسىن الدى.
قومىز – قىرعىز حالقىنىڭ شەرپەلى مۋزىكالىق اسپابى. دومبىراعا ۇقساس, جىڭىشكە موينى بار. بۇل اسپاپتىڭ العاشقى سيپاتتامالارىن سىما تسزياننىڭ (ب.ز.د. 201) جازبالارىندا كەزدەستىرۋگە بولادى.
جىل سايىن ەلوردادا قازاقستان حالقىنىڭ بىرلىگى كۇنىنە وراي ءتۇرلى كونتسەرتتەر, اۋقىمدى اكتسيالار مەن مەرەكەلىك شارالار وتەدى. الايدا بيىل نۇر-سۇلتان قالاسىندا كوروناۆيرۋس ينفەكتسياسى سالدارىنان كارانتين جاريالانعاندىقتان, مەرەكەلىك شارالاردىڭ فورماتىن وزگەرتۋ تۋرالى شەشىم قابىلداندى.
ءىس-شارالاردى ونلاين رەجيمدە وتكىزۋگە ەرەكشە نازار اۋدارىلىپ وتىر. بۇگىندە ەلوردادا 130-دان استام وزگە ۇلت وكىلدەرى تۇرادى. قالادا 23 ەتنومادەني بىرلەستىك, 12 جەكسەنبىلىك مەكتەپ جۇمىس ىستەيدى جانە ولاردىڭ سانى جىل سايىن ارتۋدا. قحا قالالىق حاتشىلىعى ەلوردا تۇرعىندارىن اكتسياعا بەلسەندى قاتىسىپ, ءار حالىقتىڭ مۋزىكالىق اسپاپتارىن ءبىلىپ, تاريحىمەن تانىسۋعا جانە ابايدىڭ ءانىن بىرلەسە ورىنداۋعا شاقىرادى.
