2020 جىلى ەلوردادا قۇرىلىسى ۇزاققا سوزىلعان نىساندار سانى 20 ۇيگە ازايادى. ەلوردا اكىمى التاي كولگىنوۆ «اقەركە 2», «باسپانا كوكتال», «زەرە 1» تۇرعىن ءۇي كەشەندەرىنىڭ قۇرىلىس بارىسىمەن تانىستى. ەلوردا اكىمى نىسانداردا سانيتارلىق نورمالاردى قاتاڭ ساقتاۋ قاجەتتىگىن اتاپ ءوتتى. قالادا ەكى كۇن ىشىندە 26 نىسان جابىلدى. ولاردىڭ باسىم بولىگى قۇرىلىس كومپانيالارى.
«باستى تالاپ - كارانتين رەجيمىنىڭ ەرەجەلەرىن قاتاڭ ساقتاۋ. بارلىق تالاپ قاتاڭ ساقتالماعان جاعدايدا, نىسانداردىڭ جۇمىسى توقتاتىلادى. قىستا قۇجاتتاردى دايىنداپ, ىشكى ارلەۋمەن اينالىستىق. قۇرىلىس ماۋسىمىن زايا كەتىرىپ الماۋ اسا ماڭىزدى. قۇرىلىسى سوزىلىپ كەتكەن تۇرعىن ۇيلەردى اياقتاپ, پاتەر يەلەرىنە كىلتتەرىن تابىستاۋ — باستى مىندەتتەردىڭ ءبىرى. قۇرىلىس ساپالى بولۋى قاجەت. اۋماقتى اباتتاندىرۋ كەرەك», - دەدى قالا اكىمى التاي كولگىنوۆ.
قۇرىلىسى ۇزاققا سوزىلعان ۇيلەردىڭ ۋاقىتىندا اياقتالۋى - مەملەكەت باسشىسىنىڭ باقىلاۋىندا تۇر. 2019 جىلى 2,5 مىڭ ۇلەسكەرى بار 10 تۇرعىن ءۇي كەشەنى پايدالانۋعا بەرىلدى. ءاربىر ۇلەستىك قۇرىلىس نىسانى بويىنشا قادامدىق ءىس-شارالار جوسپارى ازىرلەندى.
