24 ءساۋىر كۇنى ساعات 15:30 شاماسىندا شىمكەنت قالاسى پد-ءنىڭ جەدەل باسقارۋ ورتالىعىنا «قازىعۇرت» شاعىن اۋدانىنداعى «جاندوس» ايالداماسىنىڭ جانىندا ادامدارعا قاباعان ءيتتىڭ شابۋىلداعانى تۋرالى حابارلاما كەلىپ ءتۇستى.
وقيعا ورنىنا كەلگەن پوليتسەيلەر دەرەۋ ولاردى قۇتقارىپ الۋعا تىرىستى. پوليتسيا قىزمەتكەرلەرىنىڭ ءبىرى ءيتتىڭ مويىنىنان ۇستاپ تۇرعاندا, يت ونى ەكى قولىنان تىستەپ الدى. پوليتسەيدىڭ سەرىكتەسى ءيتتى ارتىنان ۇستاپ, ونى بايلاپ قويۋعا ۇلگەردى. يت ەكى تۇرعىندى, بىرەۋىن قولىنان, ەكىنشىسىڭ يىعىنان تىستەپ العان. كەلگەن جەدەل جاردەم بريگاداسى العاشقى مەديتسينالىق كومەك كورسەتىپ, زارداپ شەككەندەردى اۋرۋحاناعا الىپ كەتتى.
سونىمەن قاتار, ۆەتەرينارلىق قىزمەت قىزمەتكەرلەرى كەلىپ, ءيتتى الىپ كەتتى. ەگەر تەكسەرۋ بارىسىندا ءيتتىڭ يەسى انىقتالسا, ول قر اقبتك-ءنىڭ 408-بابى بويىنشا اكىمشىلىك جاۋاپكەرشىلىككە تارتىلادى. ەگەر يت قاڭعىعان بولسا, جانۋارلارعا جاۋاپ بەرەتىن لاۋازىمدى تۇلعالارىنىڭ ءىس-ارەكەتىنە نەمەسە ارەكەتسىزدىگىنە قۇقىقتىق باعا بەرىلەدى.
شىمكەنت
