كەلگەن ادامنىڭ بەسەۋى – باتىسقازاقستاندىق بولسا, ۇشەۋى – تۇركىستان, ەكەۋى – قىزىلوردا مەن جامبىل وبلىسىنىڭ تۇرعىندارى.
سونىمەن, باتىس قازاقستان وبلىسىندا كوروناۆيرۋس جۇقپاسىمەن تىركەلگەن ادامداردىڭ سانى – 103-كە جەتتى. باتىس قازاقستان وبلىستىق تاۋارلار مەن كورسەتىلەتىن قىزمەتتەردىڭ ساپاسى مەن قاۋىپسىزدىگىن باقىلاۋ دەپارتامەنتى باسشىسىنىڭ ورىنباسارى نۇرلىبەك مۇستاەۆتىڭ ايتۋىنشا, ولاردىڭ 100-ءى – وبلىستىق جۇقپالى اۋرۋلار اۋرۋحانادا ەم الۋدا. سونداي-اق پروۆيزورلىق ستاتسيوناردا – 24, كارانتيندىك ستاتسيوناردا – 110 ادام ورنالاستىرىلعان. 1386 ادام ءۇي جاعدايىندا وقشاۋلانۋدا.
– ۆيرۋستىڭ ورشۋىنە بايلانىستى ەندى بارلىق جۇكتى ايەلدەردەن ستاتسيونارعا جاتقىزىلعان كەزدە كوروناۆيرۋس جۇقپاسىن انىقتاۋ ءۇشىن سىناما الىناتىن بولدى, - دەدى نۇرلىبەك مۇستاەۆ.
سونىمەن بىرگە وسىدان ءبىر اپتا بۇرىن باتىس قازاقستان وبلىسىنىڭ باس سانيتار دارىگەرى مۇحامعالي ارىسپاەۆ جاريالاعان كۇشەيتىلگەن كارانتيندىك شارالاردىڭ مەرزىمى ءساۋىردىڭ 28-ىنە دەيىن ۇزارتىلدى. بۇل شەشىم بويىنشا 16 ساۋىردەن باستاپ ورال قالاسىندا جولاۋشىلار تاسىمالدايتىن قوعامدىق كولىك قوزعالىسى توقتاپ, بارلىق ازىق-ت ۇلىك بازارلارى جەكە تۇرعىندارعا قىزمەت كورسەتۋىن توقتاتقان بولاتىن. قازىر بازارداعى كوتەرمە ساۋدا نۇكتەلەرى عانا ازىق-ت ۇلىك دۇكەندەرىنە تاۋار تاراتىپ جاتىر. ال ەكىنشى دەڭگەيلى بانكتەر جۇمىسىن كۇندىزگى 16.00.-گە دەيىن شەكتەپ, تەك قانا ءتۇرلى جاردەماقى بەرەدى.
ايتا كەتەيىك, وبلىس بويىنشا كوروناۆيرۋس جۇقتىرىپ تىركەلگەن ازاماتتاردىڭ باسىم بولىگى رەسەي فەدەراتسياسىنان كەلگەن. ولارمەن قارىم-قاتىناس ارقىلى ۆيرۋس جۇقتىرىپ العان باتىس قازاقستاندىقتاردىڭ سانى 12 بولسا, سونىڭ 8-ءى – ىندەتپەن كۇرەسىپ جۇرگەن مەديتسينا قىزمەتكەرلەرى ەكەن.
باتىس قازاقستان
