بيولوگ ن.ءمۇرسالى:
– قاراپايىم حالىق مۇنداي مالىمەتتەردى ەستىمەگەن سوڭ بىلمەۋى مۇمكىن. جانە جاڭا ۆيرۋس ولارعا ەداۋىر جاڭالىق بولادى. بىراق ءبىز – بيولوگ-عالىمدار ۆيرۋستاردى كۇن سايىن قولدانامىز. ۆيرۋس بارلىق جەردە بار. وسى سالادا وقىپ, زەرتتەگەن ادام رەتىندە ايتسام, بيولوگيا باعىتىندا وقيتىن ءار ستۋدەنت جىل سوڭىندا ءبىر ۆيرۋس ءتۇرىن تابادى.
نەگىزى ۆيرۋستاردىڭ ىشىندەگى وسى COVID-19 سەكىلدى قاۋىپتى تۇرلەرىنىڭ سيرەك كەزدەسەتىنىنە قۋانۋىمىز كەرەك. سونىمەن قاتار حالىقتى, قوعامدى SARS (Severe acute respiratory syndrome – اۋىر جەدەل رەسپيراتورلىق سيندروم) سۇتقورەكتىلەردىڭ ىشىندە جارعاناتتا كەزدەسەتىنى انىقتالعانىمەن حاباردار ەتكىم كەلەدى
ءححى عاسىر – بيولوگيا عاسىرى. عىلىمنىڭ كوپ سالاسى زەرتتەلدى, تولىق زەرتتەلمەي تۇرعانى وسى بيولوگيا باعىتى بولىپ تۇر. سوندىقتان قازاقستان الداعى دامىتۋ ستراتەگياسىن وسى سالاعا بۇرۋ كەرەك. قازىردىڭ وزىندە تەست-جۇيەمەن اينالىسىپ وتىرعان ارىپتەستەرىم قىتايدان اكەلىنگەن تەستتەردىڭ تەك 40 پايىز انىقتايتىنىن ايتىپ وتىر, – دەدى.
