ۇستالعان ادامدارعا قاتىستى ءتارتىپ ساقشىلارى قىلمىستىق ءىس قوزعاپ, قازىرگى ۋاقىتتا تەرگەۋ امالدارى جۇرگىزىلۋدە.
پوليتسيا دەپارتامەنتىنىڭ مالىمەتى بويىنشا قر قىجك 389-بابىنىڭ 3-بولىگىنىڭ سانكتسياسى 3 مىڭ اەك (8,3 ميلليون تەڭگە) دەيىنگى مولشەردە ايىپپۇل سالۋ, تۇزەتۋ جۇمىستارى, 800 ساعاتقا دەيىنگى مەرزىمگە قوعامدىق جۇمىستارعا تارتۋ نەمەسە 3 جىلعا دەيىنگى مەرزىمگە باس بوستاندىعىن شەكتەۋ/ايىرۋ تۇرىندەگى جازا كوزدەلگەن.
كولىكتىك باقىلاۋ ورگاندارى تاسىمالداۋشىعا قاتىستى اكىمشىلىك ءىس قوزعاپ, 277 800 تەڭگە كولەمىندە ايىپپۇل سالدى.
ەستەرىڭىزگە سالا كەتەيىك, 2020 جىلدىڭ 14 ساۋىرىندە «كوكشەتاۋ-قوستاناي» اينالما اۆتوجولىندا اقمولا وبلىسى بويىنشا كولىكتىك باقىلاۋ ينسپەكتسياسىنىڭ ماماندارى جىلجىمالى كولىكتىك باقىلاۋ بەكەتىندە كەزەكشىلىكتى اتقارۋ كەزىندە رەسەي فەدەراتسياسىندا تىركەلگەن E006TB72 م/ن «كاماز 53205» ماركالى شەتەلدىك اۆتوكولىك قۇرالى (57kea03 م/ن تىركەمەسى) توقتاتىلعان بولاتىن.
2020 جىلدىڭ 15 ساۋىرىندە ساعات 14:15-تە بەكەت ماماندارىنا مەملەكەتتىك تىركەۋ ءنومىرسىز ءۇش جەڭىل اۆتوكولىكپەن (Lexus 470 قارا ءتۇستى, Toyota Land Cruiser 200 شيە ءتۇستى جانە Lada Largus اق ءتۇستى) كەلگەن 5-6 ادامنان تۇراتىن بەلگىسىز تۇلعالار شابۋىل جاسادى.
جۇكتەردى كابوتاجدىق تاسىمالداۋدى جۇزەگە اسىراتىن قر زاڭناماسىمەن تىيىم سالىنعان. قۇجاتتاردى تەكسەرۋ بارىسىندا جۇرگىزۋشى تاسىمالداناتىن جۇككە قۇجاتتاردى ۇسىنباستان, اۆتوكولىك قۇرالىن مەملەكەتتىك تىركەۋ تۋرالى كۋالىكتى عانا ۇسىنعان.
