ءباسپاسوز ءىس-شاراسىنا قازاقستان رەسپۋبليكاسى اۋىل شارۋاشىلىعىنىڭ بىرىنشى ۆيتسە-مينيسترى ايداربەك ساپاروۆ, ۇلتتىق اگرارلىق عىلىمي-ءبىلىم بەرۋ ورتالىعىنىڭ باسقارما توراعاسى تولەۋتاي راقىمبەكوۆ, «اگرارلىق نەسيە كورپوراتسياسى» اق باسقارما توراعاسى باعلان قۇلتاەۆ, «ازىق-ت ۇلىك كورپوراتسياسى» ۇك» اق باسقارما توراعاسى قانات قاراۋىلوۆ قاتىستى.
بيىل ەلىمىزدە كوكتەمگى دالا جۇمىستارى باستالعالى بەرى اۋىل شارۋاشىلىعى سالاسىنىڭ عالىمدارى قازاقستاننىڭ بارلىق ايماقتارىنداعى فەرمەرلەر ءۇشىن ونلاين كەڭەس ۇيىمداستىرۋدا. 30 ناۋرىز كۇنى ۇاعبو باسقارما توراعاسى ت.راقىمبەكوۆ Instagram جانە Facebook (@naseckz) پاراقشالارىندا تىكەلەي ەفيردە وتەتىن كەڭەستەردىڭ العاشقىسىن وتكىزدى. جالپى, ۇاعبو عالىمدارى 2020 جىلدىڭ 15 ءساۋىرى مەن 15 ماۋسىمى ارالىعىندا اۋىلشارۋاشىلىعى تاۋارىن وندىرۋشىلەردى قىزىقتىراتىن تاقىرىپتار بويىنشا شامامەن 229 كەڭەس وتكىزۋدى جوسپارلاپ وتىر.
«ۇاعبو-نىڭ اگرارلىق عالىمدارى قازىرگى قيىن ۋاقىتتا دا ەل يگىلىگى ۇشىن ەڭبەك ەتۋدى جالعاستىرۋدا.ء بىز اپتاسىنا ءۇش رەت قازاقستاننىڭ بارلىق ايماقتارىنداعى فەرمەرلەر ءۇشىن ونلاين كەڭەس وتكىزەمىز. فەرمەرلەردەن كوپتەگەن سۇراقتار تۇسەدى, عالىمدار ولارعا جاۋاپ بەرىپ, سونىمەن قاتار ەگىس ناۋقانىن دۇرىس وتكىزۋ ۇشىن ۇسىنىستارىمەن بولىسەدى. عالىمدارىمىز وقۋ سەمينارلارى مەن كەڭەستەر وتكىزىپ, ونلاين رەجيمىندە جۇمىس ىستەۋدى جالعاستىرۋدا. قازىر كوكتەمگى دالا جۇمىستارى قىزۋ ءجۇرىپ جاتىر, ءوز كەزەگىندە اگرارلىق عالىمدار فەرمەرلەر ءۇشىن 10 ونلاين-كەڭەس وتكىزدى. بۇل اقپاراتتىق قولداۋ 47 184 ادامدى قامتىپ, كەڭەس بەينەجازبالارىن 6 740 وقىرمان تاماشالاعان», - دەدى ت.راقىمبەكوۆ.
سونىمەن قاتار, بريفينگ بارىسىندا كوكتەمگى دالا جۇمىستارىنىڭ ۋاقىتىلى جۇرگىزىلۋىنىڭ ماڭىزدىلىعى اتاپ ءوتىلدى. ت.راقىمبەكوۆ ۇاعبو-عا ەنشىلەس ۇيىمدارىنىڭ بارلىق باعىتتارداعى كوكتەمگى دالا جۇمىستارىنا دايىندىعى 100% ەكەندىگىن اتاپ ءوتتى.
