سوڭعى مالىمەتتەر بويىنشا, 19 جاستاعى تاراز قالاسىنىڭ تۇرعىنى بۇعان دەيىن ناۋقاسپەن بايلانىستا بولعاندىعى ءۇشىن كارانتيندىك ستاتسيونارعا وقشاۋلانعان. ول تالداۋ قورىتىندىسى وڭ ناتيجە كورسەتكەننەن كەيىن ينفەكتسيالىق ستاتسيونارعا جەتكىزىلگەن. سول سياقتى, سوڭعى جۇقتىرعان 41 مەن 92 جاس ارالىعىنداعى ناۋقاستاردىڭ بىرەۋى ەر ادام بولسا, توعىزى ايەل ەكەن. ولارعا ەپيدەميولوگيالىق تەكسەرۋ جۇرگىزىلۋدە. بايلانىستا بولعان تۇلعالاردى انىقتاۋ, ولاردى كارانتيندىك ستاتسيونارعا ورنالاستىرۋ, زەرتحانالىق زەرتتەۋ ءۇشىن ماتەريالدار الۋ بويىنشا جۇمىستار اتقارىلۋدا.
جالپى, بۇگىندە جامبىل وبلىسى اۋماعىندا كوروناۆيرۋستىق ينفەكتسيانىڭ 98 جاعدايى تىركەلگەن. ونىڭ ىشىندە تاراز قالاسىندا 45 جاعداي, بايزاق اۋدانىندا 4, جامبىل اۋدانىندا 4, قورداي اۋدانىندا 33, مەركى اۋدانىندا 2, مويىنقۇم جانە شۋ اۋدانىندا ءبىر-بىرەۋدەن انىقتالعان. سونداي-اق, ءۇندىستاننان كەلگەن «دەلي – تاراز» رەيسىنىڭ جولاۋشىلارى اراسىنان 6 وقيعا, اتىراۋ وبلىسىنداعى تەڭىز ۆاحتالىق كەنتىنەن كەلگەن قىزمەتكەرلەردەن 2 جاعداي انىقتالعان. ناۋقاستاردىڭ ىشىنەن 40 ادام ساۋىعىپ, دارىگەرلەردىڭ قاداعالاۋىنداعى ءۇي كارانتينىنە شىعارىلعان.
جامبىل وبلىسى
