ء«ا. قاستەەۆ اتىنداعى مەملەكەتتىك ونەر گالەرەياسى ازىرلەگەن ەستۋ قابىلەتى بۇزىلعان ازاماتتارعا ارنالعان ارنايى بەينە-ەكسكۋرسيالار ۇيىمداستىرىلۋدا. بۇل شارا ەلىمىزدەگى 18 مىڭنان استام ەستۋ قابىلەتى بۇزىلعان ادام ءۇشىن كەرەمەت مۇمكىندىك تۋدىردى دەسەك تە بولادى. سونداي-اق زاعيپ جانە ناشار كورەتىن ازاماتتارعا ارنالعان كىتاپحانا دا تەك كارانتين كەزىنىڭ وزىندە 25-تەن استام شىعارمانى الەۋمەتتىك جەلىلەرگە ورنالاستىردى, برايل ءشريفتى بويىنشا 130-دان استام كىتاپ, اۋديوكىتاپ, سونىڭ ىشىندە ۇلى ابايدىڭ شىعارمالارىن تاراتتى»,- دەدى ا. رايىمقۇلوۆا.
سونىمەن قاتار, بالالار ءۇشىن ۇيىمداستىرىلىپ جاتقان ونلاين بايقاۋلار تۋرالى ايتتى.
«بالالار ءۇشىن «ونەرلى ورەن» رەسپۋبليكالىق ونلاين كونكۋرسى ۇيىمداستىرىلىپ, قاتىسۋعا 500-گە جۋىق ءوتىنىش ءتۇستى. بۇل رەتتە كلاسسيكتەردىڭ, سونىڭ ىشىندە ۇلى ابايدىڭ ەڭ ۇزدىك شىعارمالارى وتە تانىمال ەكەنىن ايتا كەتۋ كەرەك. قازىرگى ۋاقىتتا الەۋمەتتىك جەلىدە جالعاسىپ جاتقان كونكۋرستى ءبىر ۋاقىتتا 28 مىڭ كورەرمەن تاماشالايدى. بالالاردىڭ شەبەرلىگىن كاسىبي ارتىستەر, اقىندار باعالايدى»,- دەدى مينيستر.
