ء«وندىرىس ءۇشىن مەملەكەتتىك قارجىلاندىرۋعا يە بولعان فيلمدەردى جاساۋشىلار ۇلتتىق كينونى قولداۋ مەملەكەتتىك ورتالىعىنىڭ الەۋمەتتىك جەلىلەرىندە تىكەلەي ەفير تسيكلىن ىسكە قوستى. كۇنى بۇگىنگە دەيىن جالپىعا قولجەتىمدى فورماتتا تەك رەسپۋبليكالىق ۇيىمداردىڭ 160-قا جۋىق كونتسەرتى مەن قويىلىمى الەۋمەتتىك جەلىلىلەرگە جۇكتەلدى. الداعى ۋاقىتتا دا بۇل جوبالار ءوز جالعاسىن تابادى», - دەدى اقتوتى رايىمقۇلوۆا.
ءمينيستردىڭ ايتۋىنشا, «قازاقفيلم» كينوستۋدياسى رەسمي Youtube ارناسىنا «التىن كينو قور» جوباسىمەن - 1938-2002 جىلدارعا دەيىن تۇسىرىلگەن 60-تان استام فيلمدەرىن جۇكتەدى. بۇگىنگى كۇنى وسى Youtube ارناسىنداعى كورەرمەن سانى 10 ملن-نان اسقان.
ء«ار دەمالىس كۇندەرى كتك تەلەارناسىنىڭ «دوماشني سەانس» كينومارافونى اياسىندا وتكەن 15 جىل ىشىندە تۇسىرىلگەن ۇزدىك قازاقستاندىق كارتينالار 24 مامىرعا دەيىن ازىرلەنگەن. بۇدان باسقا, مينيسترلىكتىڭ باستاماسىمەن «قازاقفيلم» اق قورىنداعى 223 ۇلتتىق فيلم حابار, Qazaqstan, ەلارنا, Kazakh TV, كتك, جەتىسۋ تەلەارنالارىنا اقىسىز نەگىزدە بەرىلىپ وتىر»,- دەدى مينيستر.
