ونلاين فورماتتا وتەتىن كونفەرەنتسياعا يۋنەسكو, تۇركى كەڭەسى, تيۋركسوي, تۇركپا ۇيىمدارىنىڭ باسشىلىعى مەن وكىلدەرى, تۇركى تىلدەس ەلدەرىڭ اكادەميا باسشىلارى جانە اقش, ازەربايجان, ۆەنگريا, گەرمانيا, قازاقستان, قىرعىزستان, موڭعوليا, رەسەي, وزبەكستان جانە تۇركيا ەلدەرىنىڭ تانىمال تۇركولوگ عالىمدارى قاتىسادى.
القالى جيىن بارىسىندا تونىكوك ەسكەرتكىشى ءماتىنىنىڭ حالىقارالىق تۇركى اكادەمياسى ازىرلەگەن ارنايى جيناعى تانىستىرىلادى. بىرەگەي باسىلىمعا اتالعان ەسكەرتكىش ءماتىنىنىڭ الەمنىڭ 12 تىلىندەگى اۋدارماسى توپتاستىرىلىپ, عىلىمي ترانسكريپتسياسى قوسا بەرىلگەن.
ايتا كەتۋ كەرەك, وتكەن جىلى حالىقارالىق تۇركى اكادەمياسىنىڭ باستاماسىمەن جانە ازەربايجان, قازاقستان, قىرعىزستان, تۇركيا جانە موڭعوليا مەملەكەتتەرىنىڭ ورتاق ۇسىنىسى نەگىزىندە 2020 جىلى تونىكوك جازبا ەسكەرتكىشىنىڭ 1300 جىلدىعىن يۋنەسكو اياسىندا اتاپ وتۋگە رەسمي شەشىم قابىلدانعان ەدى.
