«قازاقستان الەمنىڭ كوپتەگەن ەلدەرى سياقتى شەكارالارىن جاپقانىنا قاراماستان حالىقارالىق عىلىمي ىنتىماقتاستىقتى جاڭا فورماتتا جالعاستىرۋدا. العاش رەت قازاقتىڭ ۇلى اقىنى اباي قۇنانباەۆتىڭ 175 جىلدىعىنا ارنالعان «اباي جانە رۋحاني مۇرا» اتتى حالىقارالىق ونلاين كونفەرەنتسياسى ءوتتى. ءىس-شاراعا قىتاي, تۇركيا, ۆەنگريا, رەسەي ەلدەرىنىڭ سپيكەرلەرى جانە قازاقستاندىق عالىمدار, ولكەتانۋشىلار, جازۋشىلار مەن اقىندار قاتىستى. ونلاين كونفەرەنتسيا Zoom پلاتفورماسىندا ءوتىپ, تىكەلەي ەفيردە 100 مىڭنان استام ادام قارادى», - دەدى مينيستر اقتوتى رايىمقۇلوۆا.
سونداي-اق مينيستر مادەنيەت جانە سپورت مينيسترلىگىنىڭ قولداۋىمەن, «الەمنىڭ ەكىنشى ۇستازى» ءابۋ ناسىر ءال-ءفارابيدىڭ مەرەيتويىنا ارنالعان كونفەرەنتسيانىڭ وتكەنىن اتاپ ءوتتى.
ء«ال-ءفارابيدىڭ 1150 جىلدىعىنا ارنالعان ء«ابۋ-ناسىر ءال-فارابي مۇراسى جانە قازىرگى زامان» اتتى حالىقارالىق عىلىمي ونلاين كونفەرەنتسياسى ۇيىمداستىرىلدى. كونفەرەنتسياعا ۇلىبريتانيا, سيريا, تۇركيا, تاجىكستان, قازاقستان جانە باسقا دا ەلدەردىڭ عالىمدارى بەلسەندى قاتىستى. ءساۋىر ايىنىڭ سوڭىندا «رۋحاني جاڭعىرۋ» باعدارلاماسىن جۇزەگە اسىرۋ ماقساتىندا «كيەلى قازاقستان» اتتى حالىقارالىق ونلاين كونفەرەنتسياسىن دا وتكىزۋدى جوسپارلاپ وتىرمىز. جاقىندا عانا يۋنەسكو-نىڭ ۇيىمداستىرۋىمەن الەمنىڭ 130 ەلىنىڭ مادەنيەت مينيسترلەرىمەن بىرگە حالىقارالىق ونلاين كونفەرەنتسياعا قاتىستىم. كونفەرەنتسيادا پاندەميانىڭ مادەنيەتتى دامىتۋعا اسەرىن ازايتۋ جونىندەگى شارالار جانە سالانى ودان ءارى دامىتۋدىڭ جولدارى تالقىلاندى», - دەدى مينيستر.
