مينيستر اكادەميادا كادرلار دايارلاۋدىڭ جەتكىلىكسىز دەڭگەيىن اتاپ ءوتتى. ءبىرىنشى كەزەكتە بۇل ۇشۋ قۇرامىن وقىتۋ باعدارلاماسىنىڭ حالىقارالىق ستاندارتتارىنا سايكەس كەلمەۋىنە, سونداي-اق وتاندىق اۆياكومپانيالار تاراپىنان سالالىق وقۋ ورنى تۇلەكتەرىنىڭ تومەن سۇرانىسقا يە بولۋىنا بايلانىستى. ماسەلەنى شەشۋ ءۇشىن ۆەدومستۆو باسشىسى تالاپكەرلەردى ىرىكتەۋدى كۇشەيتۋدى جانە اكادەمياعا ءتۇسۋ ءۇشىن ءوتۋ بالدارىن ارتتىرۋدى, سونداي-اق اۆياتسيانىڭ باسقا تۇرلەرى ءۇشىن پەرسونالدى دايارلاۋ باعدارلاماسىن ەنگىزۋدى تاپسىردى. كوپتەگەن جىلدار بويى بوينگ كورپوراتسياسىنىڭ باس پيلوتى بولعان «قازاقستاننىڭ اۆياتسيالىق اكىمشىلىگى» ۇشۋ قاۋىپسىزدىگى دەپارتامەنتىنىڭ باسشىسى ليندا ورلەدي دە بىرقاتار ماڭىزدى ەسكەرتۋلەردى ايتىپ ءوتتى.
سونىمەن, جۇرگىزىلگەن ينسپەكتورلىق تەكسەرۋ قورىتىندىسى بويىنشا اكادەميانىڭ بىرقاتار سايكەسسىزدىكتەرى اتاپ ءوتىلدى, ولار جوو-نىڭ ءبىلىم جانە عىلىم مينيسترلىگىنەن بەيىندى مينيسترلىككە بەرىلۋىن ەسەپكە الا وتىرىپ, جاس اۆياتورلاردى وقىتۋ تاسىلدەرىن جۇيەلى وزگەرتۋدى تالاپ ەتەدى. ءوز كەزەگىندە بۇعان دەيىن العا قويىلعان مىندەتتەردى تابىستى جۇزەگە اسىرۋ جانە الدىڭعى قاتارلى الەمدىك جوعارى وقۋ ورىندارىنىڭ قاتارىنا شىعۋ ءۇشىن ازاماتتىق اۆياتسيا اكادەمياسى 2025 جىلعا دەيىنگى اكادەميانى دامىتۋ باعدارلاماسىن بەكىتكەن بولاتىن. تالقىلاۋ قورىتىندىسى بويىنشا ول حالىقارالىق ساراپشىلاردىڭ ۇسىنىستارىن ەسكەرە وتىرىپ, جاقىن ارادا قايتا قارالاتىن بولادى.
