وسىلايشا, وبلىستىڭ بارلىق ينفەكتسيالىق, پروۆيزورلىق جانە وبسەرۆاتسيالىق ستاتسيونارلارىنىڭ قاجەتتىلىگى تولىعىمەن قامتاماسىز ەتىلەدى. ەكسپرەسس-تەستىلەۋدەن الدىمەن كۆي-مەن كۇرەستە الدىڭعى شەپتە جۇرگەن ادامدار وتەدى. ولار مەديتسينا قىزمەتكەرلەرى, قۇقىق قورعاۋ جانە سانيتارلىق-ەپيدەميولوگيالىق ورگانداردىڭ قىزمەتكەرلەرى.
شىعىس قازاقستان وبلىسىنىڭ اكىمى دانيال احمەتوۆ حابارلاعانداي, مەديتسينالىق تاۋارلار مەن ارنايى قۇرالداردى ساتىپ الۋ جانە تاسىمالداۋ «پارىز» قوعامدىق قورى ەسەبىنەن قارجىلاندىرىلدى. تاۋارلاردى قىسقا مەرزىم ىشىندە ساتىپ الۋ قىتايلىق سەرىكتەس – سينتسزياندىق «سان باو» ساۋدا-ونەركاسىپتىك كورپوراتسياسى جشس ارقاسىندا مۇمكىن بولدى.
ايتا كەتەيىك, كومپانيا شقو تۇرعىندارى ءۇشىن ءوز ەسەبىنەن 10 ملن تەڭگەدەن استام سوماعا قوسىمشا Alena-310 ماركالى 2200 قورعانىش ماسكاسىن, سونداي-اق 200 مىڭ دانا قان الۋ ءۇشىن ءبىر رەتتىك ينەلەر مەن گرادۋيرلەنگەن پيپەتكالاردى جىبەردى. «سان باو» كورپوراتسياسىنىڭ باسشىلىعى قازاقستان حالقىنا زور دەنساۋلىق جانە تەز ارادا پاندەميانى جەڭۋدى تىلەدى.
«ەلباسى ۇندەۋىنە سايكەس جانە ەل پرەزيدەنتىنىڭ تاپسىرماسىن ورىنداۋ اياسىندا ءبىزدىڭ وبلىس قىسقا مەرزىمدە قىتايلىق ارىپتەستەرمەن ىنتىماقتاستىقتا قاجەتتى مەديتسينالىق قۇرالدار مەن تاۋارلار ساتىپ الدى. بۇل ءبىزدىڭ جەرلەستەرىمىزدىڭ دەنساۋلىعى مەن ءومىرىن ساقتاۋ ءۇشىن الدىڭعى قاتاردا جۇمىس ىستەپ جۇرگەن مەديتسينالىق جانە سانيتارلىق-ەپيدەميولوگيالىق قىزمەت ماماندارىن COVID-19-دان قورعاۋ قۇرالدارىنىڭ قورىن قامتاماسىز ەتۋگە مۇمكىندىك بەرەدى», — دەپ اتاپ ءوتتى ايماق باسشىسى دانيال احمەتوۆ.
تاۋارلاردى تيەپ جونەلتۋگە «Nur Otan» ەرىكتىلەرى دە بەلسەندى تۇردە قاتىستى. وبلىستىڭ قالالارى مەن اۋداندارىنا ءارى قاراي ءبولۋ ءۇشىن مەديتسينالىق بۇيىمدار جۇمىلدىرۋ دايىندىعى باسقارماسىنىڭ قويماسىنا جەتكىزىلەدى.
