جەر-جاھاندى كوروناۆيرۋس ىندەتى جايلاپ تۇرعان كەزدە جارىستى وتكىزۋدىڭ ءوزى دە وڭايعا سوقپايدى. تىپتەن, وسى ارەكەتى ءۇشىن UFC ۇيىمىنىڭ پرەزيدەنتى دانا ۋايت سان مارتە سىن ساداعىنا دا ىلىكتى. «كۇللى الەم جۇرتشىلىعىنىڭ باسىنا ۇلكەن قاۋىپ-قاتەر ءتونىپ تۇرعاندا جارىس ۇيىمداستىرۋدىڭ قاجەتى جوق ەدى-اۋ», «ۋايت تەك پايدانى عانا ويلايدى. اقشا دەسە, ول ارىن ساتۋدان تايىنبايدى», دەگەن سىڭايداعى اڭگىمەلەردى دە قۇلاعىمىز شالدى. بىراق ايتقانىنان قايتپايتىن بىربەتكەي بيزنەسمەن اقىرى جارىس وتكىزۋدىڭ جولىن تاپتى.
ەستەرىڭىزگە سالا كەتەيىك, وسى ءتۋرنيردىڭ باستى جەكپە-جەگى جەڭىل سالماق دارەجەسى بويىنشا «ۋاقىتشا چەمپيون» اتاعى ءۇشىن اقش-تىڭ قوس ساڭلاعى توني فەرگيۋسون مەن دجاستين گەتجي اراسىندا وتەدى.
