بۇگىنگى تاڭدا «باتىس» وڭىرلىك قولباسشىلىعىنىڭ اسكەري بولىمدەرىنىڭ جەكە قۇرامى ەلىمىزدىڭ باتىس ايماعىنىڭ ەلدى مەكەندەرىندە جاپپاي كوپ جينالاتىن ورىندارىندا زالالسىزداندىرۋ جۇمىستارىن وتكىزۋدە. وڭدەۋدى جۇرگىزۋ ارقىلى اسكەري قىزمەتشىلەردىڭ وزدەرى دەنساۋلىعىنا زور قاۋىپ توندىرەدى. سوندىقتان اسكەري بولىمدەردىڭ باسشىلىعى وسى قاۋىپتەردى ازايتۋ ءۇشىن بارلىق قاجەتتى شارالاردى ۇسىنادى.
بۇگىن ءبىز كەزەكتى دەزينفەكتسيالىق جۇمىستاردان كەيىن جەكە قۇرامدى, ولاردىڭ جابدىقتارى مەن قۇرىلعىلارىنىڭ قالاي وڭدەلەتىنىڭ باقىلايمىز. وسى ماقساتتا اسكەري بولىمدەردە بىرنەشە ءىس-شارادان تۇراتىن ارنايى وڭدەۋ بولىمشەلەرى ورنالاستىرىلدى, اتاپ ايتقاندا باستاپقى وڭدەۋ پۋنكتى, جەكە قۇرامدى سانيتارلىق تازارتۋ ءبولىمى (جۋ), كيىمدى زارارسىزداندىرۋ ورنى جانە وڭدەلگەن جۇمىس كيىمدەرىن بەرۋ ورنى.
سونىمەن, جەكە قۇرام ءوز ۋچاسكەلىرىن وڭدەپ بولعان سوڭ, دەزينفەكتسيالاۋ توپتارىنىڭ جەتەكشىلەرى بۇل تۋرالى كەزەكشى دارىگەرگە باياندايدى. سودان كەيىن كەزەكشى دارىگەر پەرسونالدى سانيتارلىق وڭدەۋدەن وتكىزۋ جانە كيىم مەن قۇرالدار دەزينفەكتسياسىنىڭ ءتارتىبىن تۇسىندىرەدى. قىسقا نۇسقاۋدان كەيىن جەكە قۇرام يدك-لاردى (جەكە دەزينفەكتسيا جيناعى) كورسەتىلگەن ورىنعا قويادى.
كەيىننەن جەكە قۇرامنىڭ دەنساۋلىق جاڭدايىن تەكسەرۋ ماقساتىندا العاشقى مەديتسينالىق تەكسەرىستەن وتۋگە (تەرمومەتريا) جانە قورعانىس كيىمدەرىن تەرمووڭدەۋدەن وتكىزۋگە تاپسىرۋعا ارنالعان پالاتكاعا بەت الادى. كەزەكشى فەلدشەر اسكەري قىزمەتشىلەردىڭ دەنساۋلىعىن تەكسەرىپ, دەنە تەمپەراتۋراسىن ولشەيدى. بۇل كەزدە كەزەكشى دەزينفەكتور يدك-نى ارنايى ەرىتىندىمەن سەۋىپ شىعادى, ال كومبينەزون تەرميالىق وڭدەۋگە جىبەرىلەدى.
دەنساۋلىق جاعدايىن تەكسەرۋ اياقتالعاننان كەيىن اسكەري قىزمەتشىلەر مونشاعا جىبەرىلەدى, وندا قولدانىلعان كيىمدى تاپسىرۋ جانە تازا كيىمدى بەرۋ جۇزەگە اسىرىلادى.
تەرميالىق وڭدەۋ اياقتالعان سوڭ, كومبينەزوندار مەن قۇرىلعىلار تاراتۋ پۋنكتىنە جەتكىزىلىپ, اسكەري قىزمەتشىلەرگە تاپسىرىلادى.
ماڭعىستاۋ وبلىسى
