اقتاۋ قالاسىنىڭ 2 تۇرعىنىنان COVID-19 انىقتالدى. ءبىرى 1991 جىلى تۋعان كەشەگى جۇكتى ايەلدىڭ جولداسى. ەكىنشىسى ول جىگىتتىڭ 24 جاستاعى ارىپتەسى. كۇنى كەشە جۇكتى ايەلدەن قاۋىپتى ىندەت انىقتالعان سوڭ, ونىمەن جاقىن بايلانىستا بولعان ادامدار دا پروۆيزورلىق بولىمشەگە جاتقىزىلىپ, سىناما الىنعان بولاتىن. ناتيجەسىندە ەكى ادامنىڭ ۆيرۋستى جۇقتىرعانى راستالدى. پتر دياگنوستيكالىق زەرتتەۋ قورىتىندىسى بويىنشا COVID-19 دياگنوزى ناقتىلاندى. قازىر ناۋقاستارمەن بايلانىستا بولعان ادامدار انىقتالىپ, تەكسەرىلىپ جاتىر. بىرنەشەۋى اۋرۋحاناعا جاتقىزىلدى, دەلىنگەن حابارلامادا.
ءبىرىنشى ناۋقاس تۇراتىن اقتاۋ قالاسىنداعى 17 شاعىن اۋدان 82-ءشى ءۇيدىڭ پودەزى كەشە كارانتينگە جابىلىپ, دەزينفەكتسيا جۇمىستارى جۇرگىزىلگەن بولسا, بۇگىن ونىڭ ارىپتەسى تۇراتىن اقتاۋ قالاسىنداعى 15 شاعىن اۋدانداعى 70-ءشى ءۇي پودەزى دە سىرتىنان جابىلىپ, دەزينفەكتسيا جۇمىستارى جۇرگىزىلدى. ەپيدەمياعا قارسى ءىس-شارالار جالعاسۋدا.
22.04.2020 ج. جاعداي بويىنشا وبلىستا وسى كۇنگە دەيىن 16-ادامنان COVID-19 ۆيرۋسى انىقتالدى: اقتاۋدا -8, جاڭاوزەندە – 4, ماڭعىستاۋ اۋدانىندا – 4, ونىڭ ىشىندە ەمدەلىپ شىققانى – 2 ادام.
ماڭعىستاۋ وبلىسى
