اقتاۋ قالاسىنىڭ 27 جاستاعى تۇرعىنىنان COVID-19 انىقتالدى. جۇكتىلىكتىڭ 36 اپتاسىندا جۇرگەن ايەلدىڭ تۇندە دەنە قىزۋى كوتەرىلىپ, جەدەل-جاردەم شاقىرتقان. ناۋقاستى بىردەن پروۆيزورلىق بولىمشەگە جەتكىزىپ, سىناما الادى. پتر دياگنوستيكالىق زەرتتەۋ قورىتىندىسى بويىنشا COVID-19 دياگنوزى ناقتىلاندى. ناۋقاستىڭ جولداسى دا اۋرۋحاناعا وقشاۋلانىپ, سىناما الىندى, دەلىنگەن حابارلامادا.
قازىر ناۋقاسپەن بايلانىستا بولعان ادامدار انىقتالىپ, تەكسەرىلىپ جاتىر. ناۋقاس تۇراتىن اقتاۋ قالاسىنداعى 17 شاعىن اۋدان 82-ءشى ءۇيدىڭ پودەزى كارانتينگە جابىلىپ, دەزينفەكتسيا جۇمىستارى جۇرگىزىلدى. اۋرۋ وشاقتارىندا دەزينفەكتسيالىق جۇمىستار جۇرگىزىلدى. ەپيدەمياعا قارسى ءىس-شارالار جالعاسۋدا.
21.04.2020 ج. جاعداي بويىنشا وبلىستا وسى كۇنگە دەيىن 14-ادامنان COVID-19 ۆيرۋسى انىقتالدى: اقتاۋدا -6, جاڭاوزەندە – 4, ماڭعىستاۋ اۋدانىندا – 4, ونىڭ ىشىندە ەمدەلىپ شىققانى – 2.
