سيريانىڭ ازات اسكەرى رەسەيدىڭ حيميالىق قارۋدى حالىقارالىق ۇيىمنىڭ باقىلاۋىنا تاپسىرۋ جونىندەگى ۇسىنىسىنان باس تارتتى. بۇل تۋرالى «فرانس پرەسس» اگەنتتىگىنىڭ اقپارىنا سىلتەمە جاساعان ريا «نوۆوستي» حابارلادى.
«سيريانىڭ ازات اسكەرى رەسەيدىڭ حيميالىق قارۋدى حالىقارالىق باقىلاۋعا الۋ جونىندەگى ۇسىنىسىنان ءۇزىلدى-كەسىلدى باس تارتادى», – دەپ مالىمدەدى قارۋلى قۇرىلىمنىڭ قولباسشىسى سەليم يديريس.
سەيسەنبى كۇنى سيريا وپپوزيتسياسىنىڭ ۇلتتىق وداعى رەسەيدىڭ ۇسىنىسىن ءتيىمسىز ساياسي ايلا دەپ اتادى.
رەسەي سىرتقى ىستەر ءمينيسترى سەرگەي لاۆروۆ دۇيسەنبى كۇنى داماسكىنى حميميالىق قارۋدى حالىقارالىق باقىلاۋعا تاپسىرىپ, قارۋدى جويۋ جونىندە كەلىسىم جاساپ, حيميالىق قارۋعا تيىم سالاتىن ۇيىمنىڭ قاتارىنا كىرۋگە شاقىرعان بولاتىن.
ايدار ورىسباەۆ.
