وڭتۇستىك قازاقستان وبلىسىنىڭ اكىمى اسقار مىرزاحمەتوۆتىڭ تىكەلەي باسشىلىعىمەن شىمكەنت قالاسىنداعى «يپپودروم» اۋماعىنان باستاپ, بايدىبەك بي ەسكەرتكىشىنە دەيىنگى اۋماقتا ەتنو-تاريحي تەماتيكالىق ساياباقتىڭ, وبلىستىق مۇراجاي جانە ادەت-عۇرىپ ورتالىعىنىڭ ەسكيزدىك جوباسى ازىرلەنۋدە. بۇل تۋرالى وبلىس اكىمىنىڭ ءباسپاسوز قىزمەتى حابارلادى.
ەتنو-تاريحي ساياباق اۋماعىندا وبلىس كولەمىندە ورنالاسقان تاريحي ماڭىزى بار كەسەنەلەر مەن ەسكەرتكىشتەردىڭ شاعىن ماكەتتەرى ورنالاستىرىلاتىن بولادى.ال مۋزەي جانە ادەت-عۇرىپ ورتالىعىنىڭ قۇرىلىس جۇمىستارىنا وبلىستىق بيۋدجەتتەن قاراجات قاراستىرىلۋدا. سونىمەن بىرگە, بيىل حالىقتىڭ كوزايىمىنا اينالاتىن «ناۋرىز» الاڭىندا قازاقتىڭ سالت-ءداستۇرىن بەينەلەيتىن «كوكپارشى», «قىز قۋ», «تەڭگە الۋ», «بۇركىتشى» سىندى ساۋلەتتىك - دەكوراتيۆتىك ەلەمەنتتەر ورىن الادى.
دانيار تۇيمەباي.
