اتاپ ايتقاندا, اۋلاعا دىبىس كۇشەيتكىش قۇرىلعىلاردى شىعارىپ, مۋزىكانى بار داۋىسىمەن قويعان ەر ادامعا قاتىستى اكىمشىلىك قۇقىق بۇزۋشىلىق تۋرالى 476-باپ بويىنشا حاتتاما تولتىرىلدى. كىنالى 10 ايلىق ەسەپتىك كورسەتكىش مولشەرىندە ايىپپۇل تولەۋى نەمەسە 15 تاۋلىككە قامالۋى مۇمكىن.
سونداي-اق تەكسەرۋ بارىسىندا يۋۆەنالدىق پوليتسيا قىزمەتكەرلەرى كوشەلەر مەن قوعامدىق ورىنداردا ەرەسەكتەرسىز ءوز بەتتەرىمەن جۇرگەن 69 ءجاسوسپىرىمدى ۇستادى. كامەلەتتىك جاسقا تولماعانداردىڭ 54-ءى ورتا مەكتەپ وقۋشىلارى بولىپ شىقتى. وسى فاكتىلەردىڭ بارلىعى بويىنشا ءتارتىپ بۇزۋشىلاردىڭ زاڭدى وكىلدەرىنە قاتىستى اكىمشىلىك حاتتاما تولتىرىلدى.
ەسكە سالساق, وبلىس ورتالىعىنداعى وكتيابر اۋدانى (مايقۇدىق) تۇرعىندارىنىڭ كەشكىسىن كوشەدە بي بيلەپ جۇرگەندەرى تۋرالى بەينە كورىنىستەر الەۋمەتتىك جەلىلەردە كەڭىنەن تاراپ كەتكەن بولاتىن. ءتارتىپ ساقشىلارىنا كىنالىلەردى ىزدەپ تابۋدا وسى بەينە ماتەريالداردىڭ كومەگى تيگەن.
