ەركىندىك قولعا تيگەلى حالىق تىم ەركىنسىپ كەتكەنگە ۇقسايدى. ويلارىنا كەلگەندەرىن ىستەيتىندەرى سونداي, ءتىپتى ايتارعا ءسوز جوق. كوپ قاباتتى ۇيلەردە تۇراتىندار پيك باستىقتارىمەن اۋىز جالاسىپ الىپ ويلارىنا كەلگەنىن ىستەپ جاتىر. مۇنىڭ ارتى نەگە سوعارىن ءبىر قۇدايدىڭ ءوزى بىلەدى. مۇنداي جاعداي قازاقستاننىڭ بارلىق وڭىرىندە مە, جوق الدە تەك اقسۋدا عانا بوي الىپ تۇر ما ەكەن؟ زاڭ نەگە ورىندالمايدى؟
ەركىندىك قولعا تيگەلى حالىق تىم ەركىنسىپ كەتكەنگە ۇقسايدى. ويلارىنا كەلگەندەرىن ىستەيتىندەرى سونداي, ءتىپتى ايتارعا ءسوز جوق. كوپ قاباتتى ۇيلەردە تۇراتىندار پيك باستىقتارىمەن اۋىز جالاسىپ الىپ ويلارىنا كەلگەنىن ىستەپ جاتىر. مۇنىڭ ارتى نەگە سوعارىن ءبىر قۇدايدىڭ ءوزى بىلەدى. مۇنداي جاعداي قازاقستاننىڭ بارلىق وڭىرىندە مە, جوق الدە تەك اقسۋدا عانا بوي الىپ تۇر ما ەكەن؟ زاڭ نەگە ورىندالمايدى؟
پاۆلودار وبلىسى اقسۋ قالاسىندا كوپ قاباتتى ۇيلەردىڭ 1-ءشى قاباتىنداعى بوس جەرلەردى يەلەنىپ, ەشبىر اقى-پۇلسىز تامبۋر, سكلاد-بىتوۆكا سالۋ كەڭىنەن ورىن الدى, ءتىپتى پودەزدە شەگىنۋگە دە ورىن جوق. بالانىڭ قول ارباسىن, شاناسىن, ۆەلوسيپەدىن قوياتىن ورىنداردى ءوز پايداسىنا پايدالانىپ جاتقاندارىنا جول بولسىن. قازىر ۇيلەر حالىقتىڭ جەكە مەنشىگى بولعاننان بەرى بارىنە دە جاۋاپتى پيك بولىپ تۇر, سوندىقتان ويلارىنا كەلگەنىن ىستەيدى. ءاربىر پيك-ءتىڭ ۇستەلىندە «تۇرمىستىق كودەكس» كىتاپشالارى بار, ءتىپتى سوتقا بارىپ جۇگىنگەندەرگە دە سول كىتاپشانى كورسەتەدى. سوتتا وتىرعان لاۋازىمدى ادامدار پيك بيۋدجەتتىك سالا ەمەس, ءوزى شەشەدى, ءبىز جاۋاپتى ەمەسپىز, تۇرعىندار قول قويسا بولعانى, ونداي ماسەلەمەن شۇعىلدانبايمىز, دەپ جاۋاپ بەرەدى.
ال سوندا توتەنشە جاعدايلار قىزمەتى قايدا قاراپ وتىر؟ كەڭەس وكىمەتى كەزىندە مۇنداي تارتىپسىزدىكتەردىڭ بارىنە تىيىم سالىناتىن. بۇگىندە مەن تۇراتىن ۇيدە پودۆال دا جوق, ءىشى بەلشەدەن سۋ. سول پودۆالدى قۇرعاتىپ, تۇرعىنداردىڭ قولدانۋىنا ۇسىنۋدىڭ ورنىنا پيك باستىعى تىعىرىقتى جاعدايدان قۇتىلۋدىڭ جولى دەپ, 1-ءشى قاباتتاعى باسپالداقتىڭ قۋىسىن بەرىپ وتىر. پيك باستىقتارىن كوشەدە تۇرىپ ايقايلاپ, قول كوتەرىپ سايلاۋ دەگەن نە سۇمدىق؟ كوپ قاباتتى ۇيلەردىڭ 1-ءشى قاباتىنداعى بوس جەردى, باسپالداق قۋىستارىن تۇرعىنداردىڭ قول قويۋىمەن الدەكىمنىڭ جەكە مەنشىگىنە اينالدىرۋىنا جول بەرمەۋ كەرەك. ءار نارسەنىڭ رەتى, قيسىنى بولۋى ءتيىس. ءبىزدىڭ ايتپاعىمىز دا وسى.
باقاش قاھارمان.
پاۆلودار وبلىسى,
اقسۋ قالاسى.
