بادەن-ۆيۋرتتەمبەرگ جەرىنىڭ ساۋدا-وندىرىستىك پالاتاسىنىڭ شاقىرۋىمەن قازاقستان رەسپۋبليكاسىنىڭ گەرمانياداعى ەلشىسى نۇرلان ونجانوۆتىڭ ۋلم قالاسىنا قىزمەتتىك ساپارى ءوتتى. ەلشى كولەمى جانە ەكونوميكالىق دامۋى جاعىنان گەرمانيادا ءۇشىنشى ورىن الاتىن جەردىڭ قوعامدىق-ساياسي جانە ىسكەرلىك توپتارى وكىلدەرىمەن ەكىجاقتى كەزدەسۋلەر وتكىزىپ, ەكى ەل اراسىنداعى ەكونوميكالىق ىنتىماقتاستىققا ارنالعان «قازاقستان شيكىزات, ءوندىرىس جانە تەحنولوگيالار سالالارىنداعى ەكونوميكالىق سەرىكتەس رەتىندە» اتتى دوڭگەلەك ۇستەلدىڭ جۇمىسىنا قاتىستى.
بادەن-ۆيۋرتتەمبەرگ جەرىنىڭ ساۋدا-وندىرىستىك پالاتاسىنىڭ شاقىرۋىمەن قازاقستان رەسپۋبليكاسىنىڭ گەرمانياداعى ەلشىسى نۇرلان ونجانوۆتىڭ ۋلم قالاسىنا قىزمەتتىك ساپارى ءوتتى. ەلشى كولەمى جانە ەكونوميكالىق دامۋى جاعىنان گەرمانيادا ءۇشىنشى ورىن الاتىن جەردىڭ قوعامدىق-ساياسي جانە ىسكەرلىك توپتارى وكىلدەرىمەن ەكىجاقتى كەزدەسۋلەر وتكىزىپ, ەكى ەل اراسىنداعى ەكونوميكالىق ىنتىماقتاستىققا ارنالعان «قازاقستان شيكىزات, ءوندىرىس جانە تەحنولوگيالار سالالارىنداعى ەكونوميكالىق سەرىكتەس رەتىندە» اتتى دوڭگەلەك ۇستەلدىڭ جۇمىسىنا قاتىستى.
ءوزىنىڭ بايانداماسىندا قازاقستاندىق ديپلومات فورۋمعا قاتىسۋشىلاردى «قازاقستان-2050» دامۋ ستراتەگياسى شەڭبەرىندە قازاقستاننىڭ ساياسي جانە الەۋمەتتىك-ەكونوميكالىق دامۋىنىڭ وزەكتى ماسەلەلەرىمەن تانىستىرىپ, 2012 جىلى اقپان ايىنداعى ەلباسىنىڭ گفر-عا ساپارىنىڭ ناتيجەسىندە قول جەتكىزىلگەن ۋاعدالاستىقتار اياسىنداعى قازاق-گەرمان ەكىجاقتى ىنتىماقتاستىعىنىڭ باستى باسىمدىقتارى تۋرالى حاباردار ەتتى.
بادەن-ۆيۋرتتەمبەرگتىڭ ساۋدا-وندىرىستىك پالاتاسىنىڭ پرەزيدەنتى پەتەر كۋليتتس ءوز سوزىندە ەكى ەل اراسىندا ورناتىلعان شيكىزات, ءوندىرىس جانە تەحنولوگيالىق سەرىكتەستىكتىڭ ماڭىزدىلىعىن اتاپ ءوتىپ, بادەن-ۆيۋرتتەمبەرگ جەرىنىڭ كومپانيالارىن قازاقستاننىڭ ءوندىرىستىك جانە تەحنولوگيالىق جوبالارىن ىسكە اسىرۋىنا بەلسەندىرەك اتسالىسۋعا شاقىردى.
بادەن-ۆيۋرتتەمبەرگ تۇرعىندار سانىنا شاققاندا جوعارى تەحنولوگيالىق كاسىپورىنداردىڭ ورنالاسۋى جاعىنان ەۋروپادا, ال پاتەنتتەرگە تاپسىرىس بەرۋشىلەردىڭ سانى جاعىنان گەرمانيادا ءبىرىنشى ورىن الادى, دەپ حابارلادى قر ءسىم-ءىنىڭ ءباسپاسوز قىزمەتى.
